மும்முனைப் போட்டியில் முந்தும் ஜியோ !

இந்தியாவின் மிகப்பெரிய தொலைத்தொடர்பு நிறுவனமான ரிலையன்ஸ் ஜியோ அக்டோபர் மாதத்தில் 2021 இல் 17.6 லட்சம் மொபைல் சந்தாதாரர்களைப் பெற்றுள்ளது, அதே நேரத்தில் சந்தை போட்டியாளர்களான பார்தி ஏர்டெல் மற்றும் வோடபோன் ஐடியா இந்த மாதத்தில் மட்டும் ஒட்டுமொத்தமாக 14.5 லட்சம் பயனர்களை இழந்ததாக ட்ராய் திங்களன்று வெளியிட்ட தரவு தெரிவிக்கிறது. அக்டோபரில் பார்தி ஏர்டெல் 4.89 லட்சம் மொபைல் பயனர்களையும், வோடபோன் ஐடியா 9.64 லட்சம் சந்தாதாரர்களையும் இழந்தது.

ரிலையன்ஸ் ஜியோவின் மொபைல் சந்தாதாரர்களின் எண்ணிக்கை அக்டோபரில் 42.65 கோடியாக உயர்ந்தது. இந்த மாதத்தில் 17.61 லட்சம் மொபைல் பயனர்களை டெல்கோ சேர்த்துள்ளது என்று இந்திய தொலைத்தொடர்பு ஒழுங்குமுறை ஆணையத்தின் தரவுகள் தெரிவிக்கின்றன. செப்டம்பரில் 1.90 கோடி பயனர்களை இழந்துள்ளனர், முந்தைய மாதத் தரவுகள் தெரிவிக்கின்றன.

திங்களன்று வெளியிடப்பட்ட ட்ராயின் மாதாந்திர சந்தா தரவு, இரண்டாவது பெரிய தொலைத்தொடர்பு ஆபரேட்டரான பாரதி ஏர்டெல், அக்டோபரில் 4.89 லட்சம் மொபைல் வாடிக்கையாளர்களை இழந்துள்ளது மற்றும் அதன் சந்தாதாரர்களின் எண்ணிக்கை 35.39 கோடியாக குறைந்துள்ளது என்றும், ஏர்டெல் நிறுவனம் செப்டம்பர் மாதத்தில் 2.74 லட்சம் மொபைல் பயனர்களை சேர்த்துள்ளது என்றும் அறிக்கையில் கூறப்பட்டுள்ளது.

வோடபோன் ஐடியா அக்டோபர் மாதத்தில் 9.64 லட்சம் மொபைல் சந்தாதாரர்களை இழந்துள்ளது என்றும் அதன் பயனர் எண்ணிக்கை 26.90 கோடியாக குறைந்துள்ளது என்றும் சமீபத்திய தரவுகள் தெரிவிக்கின்றன.

VIL இன் சந்தாதாரர் இழப்புகள் செப்டம்பர் மாதத்தில் 10.77 லட்சம் பயனர்களாக இருந்தது.

அக்டோபர் 2021 இன் இறுதியில் இந்தியாவில் தொலைபேசி சந்தாதாரர்களின் மொத்த எண்ணிக்கை 118.96 கோடியாக அதிகரித்துள்ளது,அக்டோபர் 2021 இறுதியில் நகர்ப்புற தொலைபேசி சந்தா 65.88 கோடியாக குறைந்துள்ளது, ஆனால் அதே காலகட்டத்தில் கிராமப்புற சந்தா 530.79 மில்லியனாக உயர்ந்துள்ளது என்று ட்ராய் தெரிவித்துள்ளது.ன

அக்டோபர் 2021 இறுதியில் மொத்த பிராட்பேண்ட் சந்தாதாரர்களின் எண்ணிக்கை 79.8 கோடியாக அதிகரித்துள்ளது என்று தகவல்கள் தெரிவிக்கின்றன.