ஆக்சிஸ் வங்கி குறித்த எஸ்&பியின் தரச்சான்று – “நேர்மறை”
ஸ்டாண்டர்ட் அண்ட் புவர்ஸ் (எஸ் அண்ட் பி) நிதி தரக்குறியீட்டு நிறுவனம் புதன்கிழமை ஆக்சிஸ் வங்கிக்கான தனது கண்ணோட்டத்தை “நிலையான” நிலையிலிருந்து “நேர்மறை”யாக என்று மாற்றி அமைத்துள்ளது.
ஆக்சிஸ் வங்கியின் மேம்பட்ட சொத்து தரம்:
தனியார் வங்கியான ஆக்சிஸின் மேம்பட்ட சொத்து தரத்தை மேற்கோள் காட்டி இந்த மாற்றம் நிகழ்ந்துள்ளது. தரமதிப்பீட்டு நிறுவனம் திருத்தப்பட்ட அளவுகோல்களின் கீழ் வங்கியில் ‘பிபி ‘ நீண்ட கால மற்றும் ‘பி’ குறுகியகால வழங்குநர் கடன் மதிப்பீடுகளை உறுதிப்படுத்தியது. 2021 டிசம்பரில், வங்கிகள் மற்றும் வங்கி அல்லாத நிதி நிறுவனங்களை மதிப்பிடுவதற்கான அளவுகோல்களில் திருத்தம் பற்றிய விவரங்களை நிறுவனம் வகுத்திருந்தது.
இணக்கத்துக்கான வாய்ப்பு அதிகரிப்பு:
நேர்மறையான கண்ணோட்டம் ஆக்சிஸ் வங்கியின் சொத்து தர அளவீடுகள் அடுத்த 12-18 மாதங்களில் அதிக மதிப்பிடப்பட்ட இந்திய மற்றும் சர்வதேச நிறுவனங்களுடன் இணக்கமாக இருப்பதற்கான வாய்ப்பை அதிகரித்துள்ளது. அடுத்த இரண்டு ஆண்டுகளில் இந்தியாவில் பொருளாதார நடவடிக்கையை முன்னிட்டு நிகழும் ஆதாய வேகத்துடன் ஆக்சிஸ் வங்கியின் கடன் வளர்ச்சி, சொத்து தரம் மற்றும் இலாபம் ஆகியவை மேம்பட வேண்டும். அடிப்படை சூழ்நிலையின்படி, வங்கியின் பலவீனமான கடன்கள் அடுத்த 12 மாதங்களில் குறிப்பிட்ட அளவு குறையும். இது டிசம்பர் வரையிலான மொத்த கடன்களில் சுமார் 3.8% ஆக இருக்கும். கடன் செலவுகள் 1.3%-1.5% வரை இருக்கும் – மார்ச் 2021-இல் இருந்த 2.3% ஐ விட குறைவாக இருக்கும்- சமீபத்திய காலாண்டுகளில் பலவீனமான கடன்கள் மீதான ஒதுக்கீட்டை வங்கி முடுக்கி விட்டுள்ளது.
கோவிடால் அபாயத்தில் பொருளாதார மீட்சி:
வங்கியின் சொத்துக்களின் தரமானது அதன் சர்வதேச போட்டியாளர்களுடன் ஒப்பிடுகையில் குறைவாக உள்ளது. இது தொற்றுநோய்க்கு முந்தைய ஆண்டுகளில் இந்திய வங்கிகள் எதிர்கொண்ட கடுமையான பெருநிறுவன கடன் சரிவு காரணமாக இருக்கலாம். வங்கியின் கடன் செலவுகள் குறைந்து வருகின்றன. அடுத்த இரண்டு ஆண்டுகளில் இந்திய பொருளாதாரத்திற்கான வளர்ச்சி வாய்ப்புகள் நன்றாக இருப்பதாக எஸ் அண்ட் பி தெரிவித்துள்ளது. இருப்பினும், கோவிட்-19 தொற்றானது பொருளாதார மீட்சிக்கு ஒரு முக்கிய அபாயமாக உள்ளது. கோவிட்-19 ஆல் ஏற்பட்ட பெரும் பொருளாதார இடையூறுகளைத் தவிர, வங்கித் துறையின் சொத்துத் தரம் படிப்படியாக மேம்படத் துவங்க வேண்டும்.
