YES Bank, DHFL ஊழல் வழக்கு.. Realtor Sanjay Chhabria கைது..!!
யெஸ் பேங்க் நிறுவனர் ராணா கபூர் மற்றும் திவான் ஹவுசிங் ஃபைனான்ஸ் கார்ப்பரேஷன் லிமிடெட் (DHFL) ஆகியோருக்கு எதிரான ஊழல் வழக்கு தொடர்பாக மும்பையைச் சேர்ந்த ரியல் எஸ்டேட் நிறுவனர் சஞ்சய் சாப்ரியாவை சிபிஐ கைது செய்தது.
கபூர் மற்றும் DHFL இன் கபில் வாத்வான் மற்றும் பலர் மீது ஊழல் குற்றச்சாட்டுக்காக 2020 -ல் சிபிஐ வழக்குப் பதிவு செய்தது.
சிபிஐ எப்ஐஆர் படி, 2018 ஆம் ஆண்டு ஏப்ரல் மற்றும் ஜூன் மாதங்களில் யெஸ் பேங்க் டிஎச்எஃப்எல்லின் குறுகிய காலக் கடன் பத்திரங்களில் ரூ.3,700 கோடி முதலீடு செய்ததன் மூலம் இந்த மோசடி வடிவம் பெறத் தொடங்கியது.
600 கோடி ரூபாய் கடன் DHFL ஆல் DoIT அர்பன் வென்ச்சர்ஸ் (இந்தியா) பிரைவேட் லிமிடெட் நிறுவனத்திற்கு மிகக் குறைந்த மதிப்புள்ள தரமற்ற சொத்துக்களை அடமானம் வைத்து, எதிர்காலத்தில் விவசாய நிலத்திலிருந்து வீட்டு மனையாக மாற்றுவதைக் கருத்தில் கொண்டு அனுமதித்ததாக சிபிஐ குற்றம் சாட்டியுள்ளது. .மேலும், யெஸ் வங்கி தனது கடன் பத்திரங்களில் முதலீடு செய்த ரூ.3,700 கோடியை DHFL இன்றுவரை மீட்டெடுக்கவில்லை என்று கண்டறியப்பட்டுள்ளது.
“ராணா கபூர் தனது மனைவி மற்றும் மகள்கள் வைத்திருக்கும் நிறுவனங்கள் மூலம் யெஸ் வங்கியின் DHFL இன் கடன் பத்திரங்களில் முதலீடு செய்த விவகாரத்தில் DHFL இலிருந்து தேவையற்ற பணப் பலன்களைப் பெற்றார்” என்று FIRல் சிபிஐ குற்றம் சாட்டியுள்ளது.
