RBIயின் Auto Debit Rules .. – Apple நிறுவனம் அதிரடி முடிவு..!!
தொழில்நுட்ப நிறுவனமான Apple இந்தியாவில் டெபிட் மற்றும் கிரெடிட் கார்டுகள் மூலம் பணம் செலுத்துவதை நிறுத்தி விட்டது.
இந்திய வங்கிகளால் வழங்கப்படும் கிரெடிட் கார்டுகளைப் பயன்படுத்தி Apple Searchசில் விளம்பரப் பிரச்சாரங்களுக்கான கட்டணங்களையும் Apple ஏற்காது. ஜூன் 1 முதல் அனைத்து பிரச்சாரங்களும் நிறுத்தி வைக்கப்படும்.
கடந்த ஆண்டு நடைமுறைக்கு வந்த இந்திய ரிசர்வ் வங்கியின் புதிய ஆட்டோ-டெபிட் விதிகளின் விளைவாக இந்த மாற்றம் வந்துள்ளது. இதன்காரணமாக பல பயனர்கள் iCloud போன்ற ஆப்பிள் சந்தாக்களுக்கு பணம் செலுத்த முடியவில்லை என்று கூறியுள்ளனர். ஆப்பிள் ஐடி கணக்குகளில் இருந்தும் பயனர்களால் பணம் செலுத்த முடியவில்லை.
இந்த ஆண்டு ஏப்ரலில், ஆப்பிள் நிறுவனம் இந்தியாவில் உள்ள பயனர்களை யுபிஐ மற்றும் நெட்பேங்கிங் மூலம் ஆப்பிளின் ஐடி கணக்கைப் பயன்படுத்தி பணம் செலுத்த அனுமதித்தது.
வாடிக்கையாளர்களுக்கு இப்போது இரண்டு காரணி அங்கீகாரம் தேவை. மக்கள் மீண்டும் மீண்டும் பணம் செலுத்துவதற்கு புதிய மின் ஆணையை அமைக்க வேண்டும். வாடிக்கையாளர்கள் ஒவ்வொரு முறையும் ரூ. 5,000க்கு மேல் செலுத்த ஒப்புதலை அளிக்க வேண்டும் என்றும் விதிகள் கூறுகின்றன.
