இந்தியாவிலேயே அதிக பெண் ஊழியர்கள் கொண்ட நிறுவனம் !!!!

ஆக்சிஸ் வங்கியின் பிரிவான புருங்குடி பிரைவேட் நிறுவனமும் ஹுரூன் இந்தியா நிறுவனமும் இணைந்து இந்தியா முழுவதும் உள்ள நிறுவனங்கள் குறித்து கணக்கெடுப்பை நடத்தினர் அதில் இந்தியாவிலேயே வேறு எந்த நிறுவனத்திலும் இல்லாதவகையில் அதிக பெண் ஊழியர்களை கொண்ட நிறுவனமாக டிசிஎஸ் உள்ளதாக அறிவிக்கப்பட்டுள்ளது அந்த கணக்கெடுப்பின்படி டிசிஎஸ் நிறுவனத்தில் மட்டும் 2 லட்சத்து 10 ஆயிரம் பெண் ஊழியர்கள் பணியாற்றி வருவது தெரியவந்துள்ளது. இந்தியாவில் உள்ள முன்னணியான 500 நிறுவனங்களின் பட்டியலையும் இந்த கூட்டு கணக்கெடுப்பு பட்டியலிட்டுள்ளது. மும்பையை தலைமையிடமாக கொண்டுள்ள டிசிஎஸில் 2 லட்சத்து 10ஆயிரம் பெண்களும் மொத்தமாக அந்த நிறுவனத்தில் 5 லட்சத்து 92 ஆயிரத்து195 பேரும் உள்ளதாக தெரிவிக்கப்பட்டுள்ளது. இதற்கு அடுத்த இடத்தில் இன்போசிஸ் நிறுவனம் உள்ளது இந்த நிறுவனத்தில் 1 லட்சத்து 25 ஆயிரம் பெண்களும், விப்ரோவில் 88 ஆயிரத்து 946 பேரும்,எச் சிஎல் நிறுவனத்தில் 62 ஆயிரத்து780 பேரும், ரிலையன்ஸ் நிறுவனத்தில் 62,560 பெண்களும் பணியாற்றி இந்தியாவின் பொருளாதார வளர்ச்சிக்கு கைகொடுத்துள்ளனர். கடந்தாண்டில் முன்னணியில் இருந்த அதே நிறுவனங்களில் தான் இந்தாண்டும் அதிகம் பெண்கள் பணியாற்றி வருகின்றனர்,எச்சிஎல்,ரிலையன்ஸ் மற்றும் மதர்சன் சுமி,ஐசிஐசிஐ நிறுவனங்களில் பெண்கள் வேலை செய்யும் எண்ணிக்கை குறைந்துள்ளது.