மீண்டும் வராரு தலைவன் மஸ்க்..!!!

டிவிட்டரில் பல லட்சம் கோடி ரூபாயை முதலீடு செய்து மொத்தமும் போச்சே என புலம்பிய எலான் மஸ்குக்கு நம்பிக்கை அளிக்கும் வகையில் அமைந்துள்ளது அவரின் மற்றொரு நிறுவனமான டெஸ்லா. தற்போது வரை உலக பணக்காரர்கள் பட்டியலில் பெர்னார்ட் அர்லான்ல்ட் கடந்த டிசம்பர் மாதத்தில் இருந்து முதலிடம் பிடித்துள்ளார். முதல் 3 இடங்களில் இருந்த எலான் மஸ்க் தற்போது மீண்டும் முதலிடத்தை நோக்கி முன்னேறி வருகிறார். டெஸ்லா நிறுவனத்தின் பங்குகள் 74%இந்தாண்டு மட்டும் உயர்ந்துள்ளன. 2021 இறுதியி்ல் உலகின் பெரும்பணக்காரர்கள் பட்டியலில் இருந்து வந்த மஸ்க் தற்போது கூடுதலாக 54 பில்லியன் சொத்துகளை வைத்துள்ளார். டிவிட்டரில் விட்ட பணத்தை மஸ்கின் டெஸ்லா நிறுவனம் ஈடுசெய்துள்ளது. எனவே சிக்கலில் இருந்து வந்த மஸ்க் தற்போது அந்த பாதிப்பில் இருந்து மீண்டு வந்துவிடுவார் என்று எதிர்பார்க்கப்படுகிறது. சில தொண்டு நிறுவனங்களுக்கு எலான் மஸ்க் தனது பங்குகளை தானமாக அளித்துள்ள நிலையில் அதையெல்லாம் கணக்கில் எடுத்தால் பெர்னார்டை விடவும் மஸ்க்தான் பெரிய பணக்காரர் என்ற அந்தஸ்தை பெறுவார் என்பதில் மாற்றுக்கருத்து இருக்க முடியாது.