விறுவிறுவென ஏறும் தங்கம் விலை!!!

சென்னையில், 22 கேரட் ஆபரணத் தங்கத்தின் விலை இன்று வரலாற்றில் இல்லாத அளவுக்கு உயர்ந்துள்ளது. விரைவில் 50 ஆயிரம் ரூபாயை எட்டும் என எதிர்பார்க்கப்படுகிறது. இன்றைய நிலவரப்படி, 22 கேரட் ஆபரணத் தங்கம் கிராம் ஒன்றுக்கு 110 ரூபாய் உயர்ந்து 5 ஆயிரத்து 560 ரூபாயாகவும், ஒரு சவரன் தங்கம் 880 ரூபாய் அதிகரித்து 44 ஆயிரத்து 480 ரூபாய்க்கும் விற்பனை செய்யப்படுகிறது. அமெரிக்காவில் வங்கிகள் திவால் என்ற அச்சம் தங்கத்தின் விலையில் தொடர்ந்து எதிரொலிக்கிறது. இதற்கு முன்பு கடந்த பிப்ரவரி மாதம் 2-ம் தேதி ஒரு சவரன் தங்கம் விலை 44 ஆயிரத்து 40 ரூபாயை எட்டியதே புதிய உச்சமாக இருந்தது. இந்நிலையில், தற்போது, இது மேலும் அதிகரித்து 44 ஆயிரத்து 480 ரூபாயை எட்டி உள்ளது. இந்நிலையில், அமெரிக்காவில் இரண்டு வங்கிகள் திவாலானதால் தங்கத்தின் மீது முதலீடு அதிகரித்திருப்பதும், அமெரிக்க டாலருக்கு நிகரான இந்திய ரூபாய் மதிப்பு தொடர்ந்து சரிவடைவதும் தங்கம் விலை உயர்வுக்கு முக்கிய காரணமாக பார்க்கப்படுகிறது. தொடர்ந்து தங்கத்தின் விலை அதிகரித்து வரும் நிலையில், கடந்த 10 நாட்களில் மட்டும், தங்கத்தின் விலை சவரனுக்கு 3 ஆயிரத்து 240 ரூபாய் உயர்ந்துள்ளது.