டிவிஎஸில் ஒரு குடும்ப மின்சார வாகனம்..

டிவிஎஸ் நிறுவனத்தின் புதிய பைக்கான ஐகியூப், மின்சார வாகன சந்தையையே ஆட்டம் காண வைத்துள்ளது. ஐகியூப் ரக புதிய மின்சார ஸ்கூட்டர்கள் அறிமுக விலையாக 94,999 ரூபாய்க்கு விற்பனை செய்யப்படுகிறது. 2.2கிலோவாட் சார்ஜிங் வசதியுடன் கூடிய இந்த பைக், சுற்றுச்சூழலுக்கு கேடு ஏற்படுத்தாதது. விலையும் குறைவு அதே நேரம் புதிய வசதிகளும் உள்ளது. 5 வகைகளில் இந்த பைக் வருகிறது. 2.2கிலோவாட் ஐகியூப், 3.4 கிலோவாட் ஐகியூப் , 3.4 கிலோவாட் ஐகியூப் எஸ்,3.4 கிலோவாட் ஐகியூப் எஸ்டி,5.1 கிலோவாட் ஐகியூப் எஸ்டி என பல வேறுபட்ட கொள்ளளவுகளில் இந்த பைக் வருகிறது. 11 நிறங்களிலும் இந்த பைக்குகள் வருகின்றன. முதல் ரகத்தில் 2 மணி நேரம் சார்ஜ் ஏற்றினால் 80 விழுக்காடு சார்ஜ் ஏறிவிடும்,இரண்டாவது மற்றும் மூன்றாவது ரகம் 32 லிட்டர் சேமிப்பு வசதியும், 100 கிலோமீட்டர் தூரமும் செல்லும்,
நான்காவது ரகம் 118 வசதிகளுடன் கூடியது. இதன் அதிகபட்ச வேகம் 78 கிலோமீட்டராகும். இது நான்கு வண்ணங்களில் வருகிறது. 5.1 கிலோவாட் வசதியுள்ள புதிய ஐகியூப் எஸ்டி ரக பைக் மணிக்கு அதிகபட்சமாக 82 கிலோமீட்டர் வேகம் செல்லும், இதன் விலை 1லட்சத்து 85 ஆயிரத்து 373 ரூபாயாக நிர்ணயிக்கப்பட்டுள்ளது. இந்த வாகனமும் 4 நிறங்களில் கிடைக்கிறது. இந்தியா முழுவதும் 750க்கும் மேற்பட்ட கடைகளில் 466 நகரங்களில் கிடைக்கிறது. ஜூலை 15ஆம் தேதிக்குள் முன்பதிவு செய்தால் இந்த பைக்குகளுக்கு 10 ஆயிரம் ரூபாய் வரை தள்ளுபடியும் கிடைக்க இருக்கிறது. அறிமுக சலுகையாக 2.2கிலோவாட் வகை வண்டிகளுக்கு 12,300 ரூபாய் வரை சலுகை கிடைக்க இருக்கிறது. 3.4 கிலோவாட் வகை வண்டிகளுக்கு 6ஆயிரத்து 700 ரூபாய் சலுகை கிடைக்க இருக்கிறது. இந்த சலுகை வரும் ஜூன் 30 ஆம் தேதி வரை மட்டுமே உள்ளது.