ஸ்டீவ் ஜாப்ஸ் கொடுத்த அட்வைஸ் என்ன தெரியுமா..

ஸ்டார்பக்ஸ் நிறுவனத்தின் நிறுவனரும்,தலைமை செயல் அதிகாரியுமான ஹாவர்ட் ஸ்கல்ட்ஸ் அண்மையில் ஆப்பிள் நிறுவனர் பற்றி மனம் திறந்து பேசியுள்ளார். அப்போது ஸ்டார்பக்ஸ் நிறுவனத்தில் உள்ள தலைமைப்பன்பில் இருக்கும் அனைவரையும் வேலையை விட்டு தூக்கிவிடும்படி அறிவுறுத்தினார் என்றார். அவர் சொன்னது சில நாட்களில் சரியாக நடந்துவிட்டது என்றும் ஹாவர்ட் கூறியுள்ளார். 3 முறை ஹாவர்ட் அந்நிறுவனத்தின் தலைமை செயல் அதிகாரியாகவும் இருந்தார். ஸ்டீவ் ஜாப்ஸுடன் தாம் பேசிய சம்பவம் 2008-ல் நடந்ததாகவும், ஆப்பிள் நிறுவன ஆலைக்கு வரும்படி ஸ்டீவ் ஜாப்ஸ்தான் வரச்சொன்னதாகவும் கூறினார். தலைமை பதவியில் இருப்பவர்களை நீங்களே தூக்கவில்லை என்றால், அவர்களே சென்றுவிடுவார்கள் என்றும் ஸ்டீவ்ஜாப்ஸ் தெரிவித்ததாகவும், அது அப்படியே நடந்ததாகவும் தெரிவித்துள்ளார். ஸ்டீவ் ஜாப்ஸின் அபாரமான திறமையை நினைத்து மீண்டும் ஒரு முறை சந்தித்தபோது நீங்கள் சொன்னது சரிதான் என்று ஸ்டீவிடம் தாம் கூறியதாகவும் ஹாவர்ட் கூறியுள்ளார்.