Zydus Lifesciences அமெரிக்க ஒப்புதல்

சைடஸ் லைஃப் சயின்சஸ் நிறுவனத்திற்கு மார்புவலி, உயர் இரத்த அழுத்த மருந்துக்கான அமெரிக்க அரசின் ஒப்புதல் கிடைத்தது.

சைடஸ் லைஃப் சயின்சஸ் நிறுவனம், மார்பு வலி (ஆஞ்சைனா) மற்றும் உயர் இரத்த அழுத்தத்திற்கு சிகிச்சையளிக்கப் பயன்படும் டில்டியாசெம் ஹைட்ரோகுளோரைடு (Diltiazem Hydrochloride) மாத்திரைகளை, 30 மி.கி, 60 மி.கி, 90 மி.கி, 120 மி.கி ஆகிய வலிமைகளில் சந்தைப்படுத்த, அமெரிக்க உணவு, மருந்து நிர்வாகத்திடமிருந்து (USFDA) ஒப்புதல் பெற்றுள்ளது.

இந்த மருந்து, கால்சியம் சேனல் தடுப்பான் வகையைச் சேர்ந்தது. இது இரத்த நாளங்களை தளர்த்தி, இதயத்தின் பணிச்சுமையைக் குறைத்து, இரத்த ஓட்டத்தை மேம்படுத்துகிறது.

சைடஸ் லைஃப் சயின்சஸ் நிறுவனம், மார்பு வலி, உயர் இரத்த அழுத்தத்திற்கு சிகிச்சையளிக்கப் பயன்படும் ஒரு மருந்தை சந்தைப்படுத்த, அமெரிக்க சுகாதார ஒழுங்குமுறை ஆணையத்திடமிருந்து ஒப்புதல் பெற்றுள்ளதாக திங்களன்று தெரிவித்துள்ளது.

இந்நிறுவனம், டில்டியாசெம் ஹைட்ரோகுளோரைடு மாத்திரைகளுக்கு, 30 மி.கி, 60 மி.கி, 90 மி.கி, 120 மி.கி ஆகிய வலிமைகளில் அமெரிக்க உணவு மற்றும் மருந்து நிர்வாகத்திடமிருந்து இறுதி ஒப்புதலைப் பெற்றுள்ளது என மருந்து தயாரிப்பு நிறுவனம் ஒரு அறிக்கையில் தெரிவித்துள்ளது.

டில்டியாசெம் ஹைட்ரோகுளோரைடு மாத்திரைகள், நாள்பட்ட நிலையான மார்பு வலி மற்றும் இதயக் குழாய் சுருங்குவதால் ஏற்படும் மார்பு வலி ஆகியவற்றை நிர்வகிக்கப் பயன்படுகிறது.

இது, கால்சியம் சேனல் தடுப்பான்கள் எனப்படும் மருந்துகளின் வகையைச் சேர்ந்தது. டில்டியாசெம், இரத்த நாளங்களை தளர்த்துவதன் மூலம் செயல்படுகிறது. இது இதயத்தின் பணிச்சுமையைக் குறைத்து, இதய தசைகளுக்கு இரத்தம், ஆக்ஸிஜன் விநியோகத்தை அதிகரிக்கிறது.
இந்த மாத்திரைகள், இமாச்சலப் பிரதேசத்தில் உள்ள சைடஸ் லைஃப் சயின்சஸ் நிறுவனத்தின் பட்டி ஆலையில் தயாரிக்கப்படும் என இந் நிறுவனம் தெரிவித்துள்ளது.

ஐக்யூவிஐஏ MAT ஜூன் 2025 தரவுகளின்படி, அமெரிக்காவில் டில்டியாசெம் ஹைட்ரோகுளோரைடு மாத்திரைகளின் ஆண்டு விற்பனை 13.9 மில்லியன் அமெரிக்க டாலர்களாக இருந்தது.