Kraft Heinz நிறுவனம் இரண்டு தனித்தனி நிறுவனங்களாகப் பிரிந்து செயல்படும் என எதிர்பார்க்கப்படுகிறது

கிராஃப்ட் ஹெய்ன்ஸ் (Kraft Heinz) நிறுவனம் இரண்டு தனித்தனி நிறுவனங்களாகப் பிரிந்து 2026-ஆம் ஆண்டின் பிற்பகுதியில் செயல்படும் என எதிர்பார்க்கப்படுகிறது

கிராஃப்ட் ஹெய்ன்ஸ் (Kraft Heinz) நிறுவனம், உலகின் மிகப்பெரிய உணவு உற்பத்தி நிறுவனங்களில் ஒன்றாக உருவான பத்து ஆண்டுகளுக்குப் பிறகு, இரண்டு தனித்தனி நிறுவனங்களாகப் பிரிய உள்ளதாகச் செவ்வாய்க்கிழமை அன்று அறிவித்தது.

இந்த நிறுவனப் பிரிப்புக்குப் பிறகு குளோபல் டேஸ்ட் எலிவேஷன் கம்பெனி நார்த் அமெரிக்கன் க்ராசரி கம்பெனி ஆகிய இரு நிறுவனங்கள் உருவாகும்.

• இந்த ஒப்பந்தம் 2026-ஆம் ஆண்டின் இரண்டாம் பாதியில் நிறைவடையும் என எதிர்பார்க்கப்படுகிறது. இதற்குச் சுமார் 300 மில்லியன் டாலர் செலவாகும்.

• 2024-ஆம் ஆண்டில் கிராஃப்ட் ஹெய்ன்ஸ் நிறுவனத்தின் நிகர விற்பனை 3% குறைந்தது. இது 2020 முதல் ஒவ்வொரு வருடமும் வருவாயில் ஏற்பட்ட தொடர்ச்சியான சரிவின் தொடர்ச்சியாகும்.

• நிறுவனத்தில் 27% பங்குகளை வைத்துள்ள மிகப்பெரிய பங்குதாரரான வாரன் பஃபெட்-இன் பெர்க்ஷயர் ஹாதவே (Warren Buffett’s Berkshire Hathaway) இந்த நிறுவனப் பிரிப்பை எதிர்த்தது. இருப்பினும், நிறுவனம் தொடர்ந்து தனது முடிவில் உறுதியாக இருந்தது.
2015-ஆம் ஆண்டில் நடந்த அசல் இணைப்பு, உலகின் ஐந்தாவது பெரிய உணவு பான நிறுவனத்தை உருவாக்கியது. அதன் வருடாந்திர வருவாய் 28 பில்லியன் டாலராக இருந்தது.

• 2019-ஆம் ஆண்டில், செயல்பாட்டுச் செலவுகள் விநியோகச் சங்கிலி பிரச்சனைகள் காரணமாக ஆஸ்கார் மேயர் கிராஃப்ட் பிராண்டுகளின் மதிப்பை கிராஃப்ட் ஹெய்ன்ஸ் நிறுவனம் 15.4 பில்லியன் டாலர் எனக் குறைத்து மதிப்பிட்டது.

• காரோஸ் அப்ராம்ஸ்-ரிவேரா கிராஃப்ட் ஹெய்ன்ஸ் நிறுவனத்தின் தலைமை நிர்வாக அதிகாரியாகத் தொடர்வார். மேலும், நார்த் அமெரிக்கன் க்ராசரி கம்பெனியின் தலைமை நிர்வாக அதிகாரியாகவும் இவர் பொறுப்பேற்பார். குளோபல் டேஸ்ட் எலிவேஷன் கம்பெனிக்கான தலைமை நிர்வாக அதிகாரியைத் தேடும் பணி நடந்து வருகிறது.

• இந்த நிறுவனப் பிரிப்பு, அண்மையில் பிரிந்த கீரிக் டாக்டர் பெப்பர் கெலாக் கோ போன்ற பிற பெரிய உணவு நிறுவனங்களின் நடவடிக்கைகளைப் பின்தொடர்ந்து அமைந்துள்ளது.