வணிக பயன்பாட்டு சிலிண்டர் விலை சரிவு..

சர்வதேச விலை நிலவரத்துக்கு ஏற்ப பெட்ரோலிய பொருட்கள் விலை ஏற்ற இறக்கத்தை சந்தித்து வருகின்றன. இந்த வகையில் கடைகளில் பயன்படுத்தப்படும் வணிக பயன்பாட்டு சிலிண்டர் 39 ரூபாய் 50 காசுகள் குறைந்தது. சென்னையில் இந்த வர்த்தக சிலிண்டரின் விலை 1929 ரூபாயாக குறைந்திருக்கிறது. வழக்கமாக 1 ஆம் தேதிகளில் விலை மாறுபடும் என்ற நிலையில் டிசம்பர் 22 ஆம் தேதி விலை குறைந்துள்ளது. இதற்கு முன்பு 1968 ரூபாய் 50 காசுகள் என்ற விலையில், வணிக பயன்பாட்டு சிலிண்டர் விலை இருந்தது. இந்த மாத தொடக்கத்தில் வணிக பயன்பாட்டு சிலிண்டரின் விலை 21 ரூபாய் உயர்ந்திருந்த நிலையில் தற்போது அது குறைந்திருக்கிறது. சர்வதேச அளவில் கச்சா எண்ணெய் விலை குறைந்து வரும் சூழலில், விலையேற்றத்தில் இருந்து மக்களை பாதுகாக்கும் முயற்சிகளில் மத்திய அரசு ஈடுபட்டு வந்தது. அதே நேரம் விலை குறைந்தால் அந்த பலன்கள் மக்களுக்கு கிடைக்கவில்லை என்ற புகாரும் உள்ளது.