கிரிப்டோகரன்சி – நோட்டீஸ் அனுப்பியது அமலாக்க இயக்குனரகம்
கிரிப்டோகரன்சி நிறுவனங்களிடமிருந்து அந்நியச் செலாவணி மேலாண்மைச் சட்டத்தின் (FEMA) கீழ் கூடுதல் தகவல்களைக் கோரி அமலாக்க இயக்குனரகம் நோட்டீஸ் (ED) அனுப்பியுள்ளது.
கிரிப்டோ வர்த்தக தளமான CoinDCX இன் நிறுவனர் சுமித் குப்தாவை இந்த மாத தொடக்கத்தில் அதன் பெங்களூரு அலுவலகத்தில் அமலாக்க இயக்குநரகம் விசாரித்தது என்று வட்டாரங்கள் தெரிவித்தன.
வருமான வரித்துறை உட்பட பல ஏஜென்சிகள் கிரிப்டோ நிறுவனங்களை விசாரித்து வருகின்றன.
கடந்த ஆண்டு ஜூன் மாதம், ஃபெமா விதிகளை மீறியதாகக் கூறப்படும் கிரிப்டோகரன்சிகள் சம்பந்தப்பட்ட ரூ.2,790.74 கோடி மதிப்புள்ள பரிவர்த்தனைகளை விளக்குமாறு இந்தியாவின் மிகப்பெரிய கிரிப்டோகரன்சி பரிமாற்றமான WazirXஐ ED கேட்டிருந்தது.
நிறுவனம் கோரும் ஆவணங்கள் அல்லது தகவல்களை பதினைந்து நாட்களுக்குள் அளிக்க வேண்டும் என்ற நிபந்தனைக்கு உட்பட்டு, சம்மனுக்கு தடை விதிக்க உயர் நீதிமன்றம் கடந்த மாதம் அனுமதி அளித்தது.
