உக்ரைன் ரஷ்யா போர்.. – இந்திய பொருளாதார வளர்ச்சி 8.5% குறைப்பு..!!
ரஷ்யா-உக்ரைன் மோதலின் பாதகமான தாக்கம் காரணமாக, அடுத்த நிதியாண்டுக்கான இந்தியாவின் வளர்ச்சிக் கணிப்பை 8.5% ஆக ஃபிட்ச் குறைத்துள்ளது.
நடப்பு நிதியாண்டுக்கான மொத்த உள்நாட்டு உற்பத்தி (ஜிடிபி) வளர்ச்சி கணிப்பை 0.6 சதவீத புள்ளிகள் அதிகரித்து 8.7 சதவீதமாக உயர்த்தியுள்ளது.
ஃபிட்ச்சின் கணக்கின்படி இப்போது பணவீக்கம் மேலும் வலுவடைவதைக் காண முடிகிறது. 2022-ம் ஆண்டு டிசம்பர் காலாண்டில் 7 சதவீதத்துக்கு மேல் உயர்ந்து, படிப்படியாக தளர்த்தப்படுகிறது.
மற்றொரு நிறுவனமான மூடிஸ் 2022 காலண்டர் ஆண்டுக்கான இந்தியாவின் பொருளாதார வளர்ச்சி மதிப்பீட்டை அதன் முந்தைய கணிப்பு 9.5% க்கு 9.1% ஆகக் கடந்த வாரம் குறைத்துள்ளது.
மோர்கன் ஸ்டான்லி 2022-23 நிதியாண்டில் இந்தியாவின் பொருளாதார வளர்ச்சி கணிப்பை 50 அடிப்படை புள்ளிகளால் 7.9% ஆக குறைத்துள்ளது. மேலும், ஸ்டான்லி நாட்டின் சில்லறை பணவீக்க மதிப்பீட்டை 6% ஆக உயர்த்தியது, இதற்கிடையில், நடப்புக் கணக்கு பற்றாக்குறை மொத்த உள்நாட்டு உற்பத்தியில் 3% அதிகரிக்கும் என்று தெரிவிக்கப்பட்டுள்ளது.
