அதிகம் சொத்து சேர்த்த அதானி.. வாரத்துக்கு ரூ.600 கோடி சேர்த்து முதலிடம்..!!
உலகப் பணக்காரர்கள் பட்டியலில் அதானி குழுமங்களின் நிறுவனர் கௌதம் அதானி முதலிடத்தை பெற்றுள்ளார்.
அதானி குழுமங்கள் மற்றும் அதானி அறக்கட்டளை நிறுவன தலைவராக கௌதம் அதானி உள்ளார். துறைமுகம், வேளாண்மை, எரிபொருள், மின்னுற்பத்தி, பாதுகாப்பு உள்ளிட்ட துறைகளில் அதானி குழுமம் தனது ஆதிக்கத்தை செலுத்தி வருகிறது.
சீன நாட்டை சேர்ந்த ஹுருன் ஆண்டுதோறும் வெளியிட்டு வரும் உலக பணக்காரர்கள் பட்டியலில், கௌதம் அதானி இடம்பிடிதுள்ளார்.
2022-ம் ஆண்டுக்கான பட்டியில் இடம்பெற்றுள்ள ஒரே இந்தியர் என்ற பெருமையை அதானி பெற்றுள்ளார். ஹுருன் பத்திரிகையும், எம்3எம் ரியல் எஸ்டே குரூப்பும் சேர்ந்து வெளியிட்டுள்ள உலக பணக்காரர்கள் பட்டியலில், 2021-ம் ஆண்டில், கௌதம் அதானி, ஒரு வாரத்துக்கு 6 ஆயிரம் கோடி ரூபாய் சேர்த்துள்ளதாக தெரிவிக்கப்பட்டுள்ளது.
கடந்த ஆண்டில் மட்டும் அதானி சுமார் 49 பில்லியன் அமெரிக்க டாலர்களை சேர்த்துள்ளார். அதன்படி, 12-வது இடத்தில் அதானி இருக்கிறார். அவருடைய குடும்பத்தின் மொத்த சொத்து மதிப்பு 81 பில்லியன் டாலராக இருப்பதாகவும் ஹுருன் பத்திரிகை வெளியிட்டுள்ள பட்டியலில் குறிப்பிடப்பட்டுள்ளது.
