53%லாபம்..அசத்தும் டைட்டன்..

டைட்டன் நிறுவனத்தின் Q1 நிகர லாபம் 52.6% உயர்வு: நகை வணிகத்தில் அபார வளர்ச்சி அடைந்துள்ளது..டாடா குழுமத்தைச் சேர்ந்த முன்னணி நிறுவனம், டைட்டன் கம்பெனி,

2025-26 நிதியாண்டின் முதல் காலாண்டில் (Q1FY26) சிறப்பான வருவாய், லாப வளர்ச்சியை பதிவு செய்துள்ளது.

நிறுவனத்தின் நிகர லாபம் கடந்த ஆண்டை ஒப்பிடும்போது 52.6% உயர்ந்து ₹1,091 கோடியாக அதிகரித்துள்ளது. செயல்பாடுகள் மூலம் கிடைத்த வருவாய் 24.6% அதிகரித்து ₹16,523 கோடியாக உள்ளது.

முக்கிய அம்சங்கள்:

• நகை வணிகத்தின் வளர்ச்சி: நிறுவனத்தின் நகைத் துறை, குறிப்பாக அதன் தனிஷ்க், மியா, ஸோயா பிராண்டுகள் மூலம் ஈட்டிய வருவாய், தங்க கட்டிகள் விற்பனை நீங்கலாக, 19% உயர்ந்து ₹12,797 கோடியாக உள்ளது.

CaratLane-ன் வளர்ச்சி 39% ஆகவும், சர்வதேச நகை வணிகம் 49% உயர்ந்து ₹554 கோடியாகவும் உள்ளது.

• லாப வரம்பு உயர்வு: வட்டி, தேய்மானம், வரி ஆகியவற்றை நீக்கும் முன், நிறுவனத்தின் மொத்த லாபம் (PBIDT) 41.6% உயர்ந்து ₹1,935 கோடியாக உள்ளது. மேலும், அதன் லாப வரம்பு 141 அடிப்படை புள்ளிகள் (bps) அதிகரித்து 11.7% ஆக உயர்ந்துள்ளது.

• கடிகாரங்கள் மற்றும் அணியக்கூடிய சாதனங்கள்: நிறுவனத்தின் கடிகாரங்கள், அணியக் கூடிய சாதனங்கள் வணிகம் 24% வளர்ச்சி கண்டு ₹1,273 கோடியாக வருவாய் ஈட்டியுள்ளது.

இந்த காலாண்டு, வணிகத்திற்கு ‘அசாதாரணமான காலாண்டாக’ அமைந்துள்ளதாக நிறுவனம் தெரிவித்துள்ளது.

• சர்வதேச வணிகத்தில் முதல் லாபம்: டைட்டன் நிறுவனம் தனது சர்வதேச நகை வணிகத்தின் மூலம் ஐக்கிய அரபு அமீரகம் மற்றும் வட அமெரிக்கா ஆகிய பிராந்தியங்களில் இரட்டை இலக்க வளர்ச்சியைப் பெற்றுள்ளது.

இதன் விளைவாக, சர்வதேச வணிகத்தில் முதல் முறையாக லாபத்தை எட்டியுள்ளது.

நிறுவனத்தின் அறிக்கையில், தங்கத்தின் விலை அதிகரிப்பு இருந்தாலும், வாடிக்கையாளர்கள் தங்க நகைகள் வாங்குவதில் ஆர்வம் காட்டியதாக குறிப்பிடப்பட்டுள்ளது.

இதனால், விற்பனை அளவு உயர்ந்ததோடு, வாடிக்கையாளர்களின் எண்ணிக்கை குறைவு பெரிய அளவில் பாதிக்கப்படவில்லை எனவும் தெரிவிக்கப்பட்டுள்ளது. இதன் ஒட்டுமொத்த செயல்பாடுகள், அனைத்து வணிகப் பிரிவுகளிலும் வலுவான வளர்ச்சியைப் பதிவு செய்துள்ளன.