யார் இந்த லிண்டா..

பல லட்சம் கோடி ரூபாய் கொடுத்து டிவிட்டரை கடந்தாண்டு எலான் மஸ்க் வாங்கினார். இந்த சூழலில் தனது நிறுவனத்திற்கு புதிய தலைமை செயல் அதிகாரியை நியமித்துள்ளதாக எலான் மஸ்க் தெரிவித்துள்ளார்.புதிய தலைமை செயல் அதிகாரி அடுத்த 6 வாரங்களில் தனது பணியை தொடங்குவார் என்றும் மஸ்க் அறிவித்தார். அதுவும் அந்த தலைமை செயல் அதிகாரி ஒரு பெண் என்றும் குறிப்பிட்டாரே தவிற அவரின் பெயரை அறிவிக்கவில்லை. இந்த நிலையில் லிண்டா Yaccarino என்பவர் இந்த பதவிக்கு தேர்வு செய்யப்பட்டிருப்பதாக வால் ஸ்ட்ரீட் ஜர்னல் பத்திரிகையில் தகவல் வெளியாகியுள்ளது.NBC யுனிவர்சல் நிறுவனத்தின் தலைமை விளம்பரப்பிரிவு தலைவர் என்று குறிப்பிடப்பட்டுள்ளது.2011-ம் ஆண்டு முதல் அங்கு பணிாற்றி வரும் லிண்டா, மஸ்கின் மிகப்பெரிய ஆதரவாளராக இருக்கிறார்.பென் ஸ்டேட் பல்கலைக்கழகத்தில் அவர் படித்தவர் என்றும் கூறப்படுகிறது.விளம்பரத்துறையில் அசாத்திய திறமை கொண்ட லிண்டா,தனது தோழிகளிடம் இதைப்பற்றி தெரிவித்ததாக கூறப்பட்டுள்ளது. எலா இர்வின் என்பவரின் பெயரும் அடிபடுவதாக மற்றொரு தகவல் வெளியாகியுள்ளது. நாய் ஒன்றை தலைமை செயல் அதிகாரியாக அறிவித்த மஸ்க் அண்மையில் தாமே அந்த பதவிக்கு சரியான நபர் என்றும், திறமையான நபர் கிடைக்கவில்லை என்றும் கடந்த காலங்களில் அறிவித்திருந்தார். இந்த நிலையில் லிண்டாவின் பெயர் பரிசீலனையில் இருப்பதாகவும் தகவல் வெளியாகியுள்ளது. எனினும் அதிகாரபூர்வ அறிவிப்பு வெளியிடப்படவில்லை.