மாருதி சுசுகியின் e VITARA SUVஇன் அறிமுக விலை ரூ.10.99 லட்சம்

February 18, 2026 5:23 PM

மாருதி சுசுகி அதன் மிகவும் எதிர்பார்க்கப்பட்ட மின்சார SUVயான e VITARA-வின் அறிமுக விலையை செவ்வாயன்று அறிவித்தது. இந்த வாகனம் பேட்டரி-ஆஸ்-எ-சர்வீஸ் (BaaS) மாடலின் கீழ் ரூ.10.99 லட்ச தொடக்க விலையில் கிடைக்கும். பேட்டரி பயன்பாடு ஒரு கிலோமீட்டருக்கு ரூ.3.99 என தனியாக வசூலிக்கப்படும்.

இந்தியாவின் மிகப்பெரிய கார் தயாரிப்பாளரான மாருதி சுசூக்கியின் முதல் மின்சார வாகனமான e VITARA-க்கான முன்பதிவுகள் ஜனவரி 2026 முதல் தொடங்கும் என்று எதிர்பார்க்கப்பட்டது. இந்நிறுவனம் இப்போது BaaS மாடலின் கீழ் அறிமுக வாகன விலையை வெளியிட்டுள்ள நிலையில், பல்வேறு இதர ரகங்களுக்கான விலை விவரங்கள் இன்னும் வெளியிடப்படவில்லை.

ஆகஸ்ட் 2025 இல் உற்பத்தி தொடங்கிய பிறகு, 2025 இறுதிக்குள் மாருதி கிட்டத்தட்ட 13,000 யூனிட் e VITARA-வை 28 நாடுகளுக்கு ஏற்றுமதி செய்தது.

இந்த மாடல், மாருதி சுசுகியின் தாய் நிறுவனமான சுசுகி மோட்டார் கார்ப்பரேஷனின், டொயோட்டாவுடனான உலகளாவிய வடிவமைப்பு மற்றும் உற்பத்தி ஒத்துழைப்பின் கீழ் உருவாக்கப்பட்டது. மேலும் உள்நாட்டு மற்றும் வெளிநாட்டு சந்தைகளுக்காக இந்தியாவில் கட்டமைக்கப்படுகிறது.

ஒரு முறை சார்ஜ் செய்யப்பட்ட பின், e VITARA மூலம் 543 கிமீ வரை செல்ல முடியும் என்று கூறியுள்ளது. இந்த மாடல் டெல்டா, ஜீட்டா மற்றும் ஆல்பா ஆகிய மூன்று வகைகளில் கிடைக்கும். இரண்டு வகை பேட்டரி பேக் தேர்வுகள் அளிக்கப்படுகிறது : 49 kWh மற்றும் 61 kWh. டெல்டா ரகம் சிறிய பேட்டரியுடன் வருகிறது.

இந்நிறுவனம் 1,100 நகரங்களில் 2,000 க்கும் மேற்பட்ட சார்ஜிங் நிலையங்களை அமைத்துள்ளது. இதில் அதிக EV வாகங்கள் கொண்ட முதல் 100 நகரங்கள் அடங்கும். பொது சார்ஜிங் உள்கட்டமைப்பிற்கான அணுகலை விரிவுபடுத்த 13 முன்னணி சார்ஜ் பாயிண்ட் ஆபரேட்டர்களுடன் கூட்டு சேர்ந்துள்ளது.

இந்த SUV-வின் உள்கூடு 60 சதவீதத்திற்கும் அதிகமான அல்ட்ரா-ஹை மற்றும் ஹை-டென்சைல் ஸ்டீலைப் பயன்படுத்துகிறது.

Disclaimer: moneypechu.com-ல் பதிவிட்டுள்ள செய்திகள், கருத்துகள் கல்வி நோக்கத்துக்காக மட்டுமே செய்யப்பட்டவை.. நாங்கள்,பங்குச்சந்தை வழிகாட்டு ஆணையமான செபியில் பதிவு செய்த ஆலோசகர்கள் இல்லை.. முதலீடு செய்யும் முன்பு செபியில் பதிவு செய்த ஆலோசகரிடம் கலந்து ஆலோசித்து முடிவு செய்வது நல்லது. நீங்கள் எடுக்கும் முதலீட்டு ரிஸ்க் முழுவதும் உங்களைச் சேர்ந்தது.