H-1B கட்டண அதிரடி: இந்திய பொறியாளர்களின் அமெரிக்க கனவு முறியடிக்கப்படுகிறதா?

டொனால்ட் டிரம்ப் நிர்வாகம், H-1B விசாவிற்கான கட்டணத்தை $100,000 ஆக உயர்த்துவதன் மூலம் குறைந்த செலவிலான வெளிநாட்டு ஊழியர்களைக் கட்டுப்படுத்த முயற்சிக்கிறது.

பல வருடங்களாக, இந்தியப் பொறியாளர்கள் அமெரிக்காவுக்குச் சென்று வேலை செய்வது, நடுத்தர வர்க்க குடும்பங்களின் கனவாக இருந்தது. ஒரு தனிநபரின் வருமானம், ஒரு குடும்பத்தையே பொருளாதார ரீதியாக உயர்த்தியது. ஆனால், இந்த கனவுக்கு இப்போது முற்றுப்புள்ளி வைக்கப்பட்டுள்ளது.

இந்த அதிரடி கட்டண உயர்வு, இந்திய தொழில்நுட்பத் துறைக்கு ஒரு சவாலாக தோன்றினாலும், அது எதிர்பாராத வாய்ப்புகளையும் உருவாக்கக்கூடும். இந்த கட்டண உயர்வு புதிய விசாக்களுக்கு மட்டுமே பொருந்தும், ஏற்கனவே உள்ள விசாக்களுக்கு அல்ல.
அமெரிக்க நிறுவனங்கள், இந்தியப் பொறியாளர்களை நம்பியிருப்பது புள்ளிவிவரங்களில் தெளிவாகிறது. H-1B விசாக்களில் 70% க்கும் அதிகமானோர் இந்தியாவிலிருந்து வருகின்றனர்.

எனினும், அமெரிக்க அரசு உள்நாட்டு ஊழியர்களுக்கு வேலை கொடுக்க வேண்டும் என்று கூறி, அதே நேரத்தில் வெளிநாட்டு ஊழியர்களுக்குக் கடும் வரிகளை விதிக்கிறது.
இந்தியாவில் உள்ள திறமையான பொறியாளர்கள் இப்போது அமெரிக்காவிற்குச் செல்ல விரும்புவதில்லை. அதிக சம்பளம், பொறுப்பான பதவிகள் ஆகியவை இந்தியாவிலேயே கிடைப்பதால், அவர்கள் தாய்நாட்டிற்குத் திரும்புகின்றனர்.

வால்மார்ட், போயிங், ஜி.இ. போன்ற பெரிய அமெரிக்க நிறுவனங்கள், பெங்களூரு, புனே போன்ற நகரங்களில் தங்கள் இரண்டாம் தலைமையகங்களை அமைத்துள்ளன. இது உள்நாட்டிலேயே பல வேலைகளை உருவாக்கியுள்ளது.

H-1B விசா கட்டண உயர்வு, அமெரிக்க பல்கலைக்கழகங்களுக்கும் ஒரு அடியாக அமையும். பெரும்பாலான வெளிநாட்டு மாணவர்கள் இந்தியாவிலிருந்து வருவதால், இந்த கட்டண உயர்வு மாணவர் சேர்க்கையை வெகுவாகக் குறைக்கும். இதன் காரணமாக அமெரிக்கப் பல்கலைக்கழகங்கள் வருவாய் இழப்பை சந்திக்கும்.

இந்த சூழ்நிலையில், இந்தியாவிற்கு ஒரு நல்ல வாய்ப்பு உள்ளது. அமெரிக்கா திறமையாளர்களுக்கு அதிக வரி விதித்தால், இந்தியா தனது சந்தை, பயனர்களின் தகவல்கள், சேவைகளுக்கு உரிய விலையை நிர்ணயிக்க வேண்டும். இந்திய ஐ.டி துறை வெறும் வருவாயை ஈட்டவில்லை; அது இந்திய நடுத்தர வர்க்கத்தை உருவாக்கியது. எனவே, அதன் மதிப்பை குறைத்து மதிப்பிடக்கூடாது.