ஜி எஸ் டி 2.0 பரிதாபங்கள் : இதான் ரியாலிட்டி..!!

ஜிஎஸ்டி குறைப்பு மற்றும் பண்டிகை கால விற்பனை உயர்வு காரணமாக அக்டோபரில், உள்நாட்டு சந்தையில் ஆட்டோமொபைல் விற்பனை உச்சமடைந்த நிலையில், நவம்பரில் விற்பனை குறைந்துள்ளதாக தரவுகள் கூறுகின்றன.

அக்டோபரில் 71,624 யூனிட்கள் மொத்த விற்பனையை (டீலர்களுக்கு அனுப்புதல்) பதிவு செய்த மஹிந்திரா & மஹிந்திராவின் (எம்&எம்) விற்பனை அளவு, நவம்பரில் 56,336 யூனிட்களாக 21.3 சதவீதம் குறைந்துள்ளது.

டொயோட்டா கிர்லோஸ்கர் மோட்டாரின் (டிகேஎம்) உள்நாட்டு விற்பனை அளவு, அக்டோபரில் 40,257ஆக இருந்து நவம்பரில் 26,418 யூனிட்களாக 34.3 சதவீதம் குறைந்துள்ளது.

இரு சக்கர வாகனப் பிரிவில், டிவிஎஸ் மோட்டாரின் உள்நாட்டு மொத்த விற்பனை அக்டோபரில் 4,21,631 யூனிட்களாக இருந்து, நவம்பரில் 3,65,608 யூனிட்களாக 13.2% சரிந்துள்ளது.

இதே போல், ‘பல்சர்’தயாரிப்பாளரான பஜாஜ் ஆட்டோவின் விற்பனையும் நவம்பரில் 24 சதவீதம் குறைந்து 2,02,510 ஆக சரிந்துள்ளதாக அறிவித்துள்ளது. இது முந்தைய மாதத்தில் 2,66,470 ஆக இருந்தது.

இருப்பினும், ஆண்டுக்கு ஆண்டு (Y-o-Y) விற்பனையின் அடிப்படையில், M&M உட்பட பெரும்பாலான அசல் உபகரண உற்பத்தியாளர்கள் (OEMகள், உள்நாட்டு மொத்த விற்பனையில் வளர்ச்சியைப் பதிவு செய்துள்ளன. 2024 நவம்பரில் 46,222 யூனிட்களுடன் ஒப்பிடும் போது இது 22 சதவீதம் அதிகரித்து 56,336 யூனிட்களாக அதிகரித்துள்ளது.

”நவம்பரில், நாங்கள் 56,336 யூனிட்கள் SUV விற்பனையை அடைந்தோம். இது 22 சதவீத வளர்ச்சியாகும். மொத்த வாகன விற்பனை 92,670 யூனிட்களாக உள்ளது. கடந்த ஆண்டின் நவம்பரை விட அதிகமாகும். எங்கள் எலக்ட்ரிக் ஆரிஜின் SUVகளின் ஒரு ஆண்டு நிறைவையும் நாங்கள் கொண்டாடினோம். மேலும் இந்தியாவின் முதல் உண்மையான எலக்ட்ரிக் ஆரிஜின் 7-சீட்டர் SUV – XEV 9S – உலகின் முதல் ஃபார்முலா E-கருப்பொருள் சிறப்பு பதிப்பு SUV, மஹிந்திரா BE 6 ஃபார்முலா E பதிப்பையும் அறிமுகப்படுத்தினோம் ”என்று M&M இன் ஆட்டோமோட்டிவ் பிரிவின் தலைமை நிர்வாக அதிகாரி நளினிகாந்த் கோலகுண்டா கூறினார்.

’பார்ச்சூனர்’தயாரிப்பாளரான டி.கே.எமின் விற்பனை நவம்பரில் 26,418 யூனிட்களாக, கடந்த ஆண்டு நவம்பர் விற்பனையான 25,183 யூனிட்களை விட 5% அதிகரித்துள்ளது