அதானி குழுமம் – LIC லேட்டஸ்ட் அப்டேட்

கவுதம் அதானி குழுமத்தின் முதன்மை நிறுவனமான அதானி எண்டர்பிரைசஸ் (AEL)-இன் ₹24,930 கோடி மதிப்புள்ள உரிமை பங்குகள் வெளியீட்டில் பங்கேற்க, இந்திய ஆயுள் காப்பீட்டுக் கழகம் (LIC) மற்றும் முதலீட்டு நிறுவனமான GQG பார்ட்னர்ஸ் ஆர்வம் காட்டியுள்ளதாக கூறப்படுகிறது. AEL-இல் இந்த இரண்டு நிறுவனங்களும் தற்போது தற்போது தலா 4 சதவீத பங்குகளை வைத்திருக்கின்றன.

“ரோட்ஷோவின் போது, AEL நிறுவனம், ஏற்கனவே உள்ள மற்றும் வருங்கால நிறுவன முதலீட்டாளர்களிடமிருந்து ஊக்கமளிக்கும் கருத்துக்களைப் பெற்றது. பெரும்பாலானவை நிதி திரட்டலில் பங்கேற்க விருப்பம் தெரிவித்துள்ளன. GQG மற்றும் LIC இரண்டும் அதானி குழும நிறுவனங்களில் செய்துள்ள ஒட்டுமொத்த முதலீடுகள் மூலம் ஆரோக்கியமான லாபத்தை பெற்றுள்ளன”என்று இது குறித்து அறிந்த ஒரு அதிகாரி கூறினார்.

LIC மற்றும் GQG ஆகியவை தங்கள் பங்குகளுக்கு ஏற்ப இதில் பங்கேற்க, தலா ₹1,000 கோடி முதலீடு தேவைப்படும். முதலீட்டாளர்கள், உரிமை பங்குகள் (REs) மூலம் இதில் பங்கேற்கலாம். இதற்கான வர்த்தக நேரம் வெள்ளிக்கிழமை வரை திறந்திருக்கும்.

இதுவரை, ₹700 கோடி மதிப்புள்ள RE யூனிட்கள் வர்த்தகம் செய்யப்பட்டுள்ளதாக, தரவுகள் கூறுகின்றன. ஒரு RE யூனிட் கடைசியாக வர்த்தகம் செய்யப்பட்ட விலை ₹379 ஆக இருந்தது. AEL இன் பங்குகள் திங்கட்கிழமை ₹2,219 இல் முடிவடைந்தன. இது முந்தைய நாள் அளவை விட 1.4 சதவீதம் அதிகமாகும்.

பெரும்பாலான பங்குதாரர்கள் அடுத்த வாரம் தங்கள் விண்ணப்பங்களை சமர்ப்பிப்பார்கள் என்று எதிர்பார்க்கப்படுகிறது. மொத்த விண்ணப்பங்களில் கிட்டத்தட்ட நான்கில் மூன்று பங்கு, நிறுவனர்கள் குழுமத்திலிருந்து வரும். இது தற்போது AEL இல் 73.97 சதவீதத்தை வைத்திருக்கிறது.

AEL 13.85 கோடி புதிய பங்குகளை, தலா ₹1,800 விலையில் வெளியிடுகிறது. இது கடைசி இறுதி விலையை விட 19 சதவீதம் குறைவு. இந்நிறுவனம் ஆரம்பத்தில் பகுதியளவு செலுத்தப்பட்ட பங்குகளை வெளியிடும். சந்தாதாரர்கள் மூன்று தவணைகளில் செலுத்த வேண்டும்: விண்ணப்பத்தின் போது ஒரு பங்கிற்கு ₹900, அதைத் தொடர்ந்து ஜனவரி மற்றும் மார்ச் 2026 இல் தலா ₹450 என்ற இரண்டு தவணைகள்.

2025-26 ஆம் ஆண்டின் முதல் பாதியில், இந்நிறுவனம் ₹43,210 கோடி நிகர விற்பனையையும் ₹4,292 கோடி நிகர லாபத்தையும் பதிவு செய்தது, இது ஒரு வருடத்திற்கு முன்பு இதே காலகட்டத்தில் ₹3,539 கோடியாக இருந்தது.