இன்போசிஸ் பங்கு விலை 6 ஆண்டுகளில் இல்லாத அளவுக்கு வீழ்ச்சி
தகவல் தொழில்நுட்ப (IT) நிறுவனம் இன்ஃபோசிஸ் பங்கு விலை ₹1,215.15 என்ற அளவிற்கு ஆறு ஆண்டுகளுக்கும் மேலான குறைந்த நிலையை நேற்று எட்டியது; நேற்று வர்த்தகத்த்தின் நடுவே, BSE-யில் 3 சதவீதம் குறைந்தது. இதன் வருமான வளர்ச்சிக்கு ஏற்பட்டுள்ள அச்சுறுத்தல் காரணமாக, 2026இல் இதுவரை இந்த பங்கு 25 சதவீதம் சரிந்துள்ளது; இதே நேரத்தில் Nifty 50 குறியீடு 11.4 சதவீதம் மட்டுமே குறைந்துள்ளது.
நேற்று இன்ஃபோசிஸ் பங்கு விலை ஏப்ரல் 2023-ல் தொட்ட ₹1,215.45 என்ற முந்தைய குறைந்த நிலையை விட கீழே சென்றது. தற்போது, இது டிசம்பர் 2020-க்கு பிறகு காணப்படும் மிகக் குறைந்த நிலையில் உள்ளது. பங்கு விலையில் ஏற்பட்ட கடுமையான வீழ்ச்சியால், இன்ஃபோசிஸ் நிறுவனத்தின் சந்தை மதிப்பு வர்த்தகத்தின் நடுவே ₹5 லட்சம் கோடிக்கும் கீழே சரிந்து ₹4.93 லட்சம் கோடியாக குறைந்தது.
இன்ஃபோசிஸ் நிறுவனத்தின் இயக்குநர்கள் குழு கூட்டம் ஏப்ரல் 22 மற்றும் 23, 2026 அன்று நடைபெற உள்ளது. இதில், மார்ச் 31, 2026-ல் முடிவடைந்த காலாண்டு மற்றும் நிதியாண்டிற்கான, இந்திய கணக்கியல் தரநிலைகள் (INDAS) படி நிறுவனமும் அதன் துணை நிறுவனங்களும் சார்ந்த, தணிக்கையிடப்பட்ட ஒருங்கிணைந்த நிதி முடிவுகளை அங்கீகரித்து பதிவு செய்ய உள்ளனர். அதேபோல், மார்ச் 31, 2026-ல் முடிவடைந்த நிதியாண்டிற்கான இறுதி லாபப்பங்கையும் பரிந்துரைக்க இயக்குநர்கள் குழு கூடும்.
சமீபத்தில் Anthropic நிறுவனத்தின் plugins மற்றும் தன்னாட்சி AI முகவர்கள் குறித்த செய்திகள், உலகளாவிய மென்பொருள் மற்றும் IT சேவை நிறுவனங்களின் பங்கு விலைகளில் கடுமையான பாதிப்புகளை ஏற்படுத்தின.
இதற்கிடையில், இன்ஃபோசிஸ் நிர்வாகம் FY26-க்கு 3–3.5 சதவீதம் நிலையான நாணய (CC) ஆண்டுக்கு ஆண்டு வருமான வளர்ச்சி வழிகாட்டுதலை மீண்டும் உறுதிப்படுத்தியது; இதன் பொருள் Q4FY26E-க்கு கீழ்நிலை/மேல்நிலையில் -1.6 சதவீதம்/+0.2 சதவீதம் என்ற எதிர்பார்ப்பு. கீழ்நிலை மதிப்பீடு அதிகமான உலகளாவிய பொருளாதார அநிச்சயத்தன்மையை கருத்தில் கொள்கிறது.
