டிரைவேடிவ்ஸ் சந்தைக்கான உள்கட்டமைப்பை மேம்படுத்த TCS-உடன் கூட்டு சேர்ந்துள்ள DGCX

தகவல் தொழில்நுட்ப சேவைகள், ஆலோசனை மற்றும் வணிகத் தீர்வுகள் துறையில் உலகளாவிய அளவில் முன்னணியில் உள்ள டாடா கன்சல்டன்சி சர்வீசஸ் (TCS), DGCX-இன் சந்தை உள்கட்டமைப்பை நவீனப்படுத்தவும் எதிர்காலத் தேவைகளுக்கு ஏற்ப மாற்றியமைக்கவும் DGCX-உடன் இணைந்துள்ளது. இதற்காக, அடுத்த தலைமுறை ஒருங்கிணைந்த வர்த்தகம், தீர்வு (clearing) மற்றும் கண்காணிப்புத் தீர்வு ஆகியவை செயல்படுத்தப்படவுள்ளன.

இந்த மாற்றத்திற்கான திட்டம், DGCX-க்கு எதிர்கால வளர்ச்சியை ஆதரிக்கவும், செயல்பாட்டுத் திறனை மேம்படுத்தவும் மற்றும் புதிய தயாரிப்புகளின் உருவாக்கத்தை விரைவுபடுத்தவும் கூடிய நெகிழ்வான தொழில்நுட்ப அடித்தளத்தை வழங்கும். மேலும், நிறுவப்பட்ட மற்றும் வளர்ந்து வரும் சொத்து வகைகளில் உள்ள பிராந்திய மற்றும் சர்வதேச சந்தைப் பங்கேற்பாளர்களின் மாறிவரும் தேவைகளுக்கு ஏற்ப செயல்படும் DGCX-இன் திறனையும் இது வலுப்படுத்தும்.

இந்த ஒப்பந்தத்தின் ஒரு பகுதியாக, TCS பின்வருவனவற்றை ஒருங்கிணைப்பதன் மூலம் உலகத்தரம் வாய்ந்த வர்த்தகம், தீர்வு மற்றும் கண்காணிப்பு தளத்தை வழங்கும்:

• மத்திய எதிர் தரப்பு தீர்வுக்கான (central counterparty clearing), சந்தை உட்கட்டமைப்புக்கான ‘TCS BaNCS™
• சந்தை முறைகேடுகள், மோசடிகள் மற்றும் அசாதாரண செயல்பாடுகளைக் கண்காணிக்கவும் கண்டறியவும் Quartz™
• சந்தைப் பங்கேற்பாளர்கள் பல்வேறு சொத்துக்களில் வர்த்தகம் செய்ய உதவும் ‘TCS BaNCS பங்கு வர்தகம்
• தொழில்துறை தரநிலைகளுக்கு ஏற்ற சந்தை இணைப்புக்கான ‘TCS Quartz Gateway’ (இதனுடன் ஜெனரேட்டிவ் AI தொழில்நுட்பம் சார்ந்த அறிக்கை தயாரித்தல், பகுப்பாய்வு மற்றும் முடிவெடுத்தல் வசதிகளும் இணைக்கப்பட்டுள்ளன)
• உலகளாவிய பரிவர்த்தனை கூட்டாளரிடமிருந்து பெறப்பட்ட வர்த்தகம் மற்றும் பொருத்தம் காணும் (matching) வசதி

இத்தீர்வுகள் TCS-இன் BFSI கருவிகள் மற்றும் தளங்கள் பிரிவின் ஒரு பகுதியாகும். இப்பிரிவு, நிதிச் சேவைகள் மற்றும் காப்பீட்டு நிறுவனங்கள் சிறந்த வாடிக்கையாளர் அனுபவத்தையும் செயல்பாட்டு மாற்றத்தையும் அடைய உதவுகிறது. BFSI கருவிகள் மற்றும் தளங்கள் பிரிவு, புத்திசாலித்தனமான, உறுதியான மற்றும் ஒன்றோடொன்று இணைந்து செயல்படக்கூடிய சூழலமைப்புகள் மூலம் உலகின் முன்னணி நிதிச் சந்தைகளுக்கு முழுமையான சேவைகள் மற்றும் தீர்வுகளை வழங்குகிறது.