மார்ச்சில் மஹிந்திரா & மஹிந்திரா விற்பனை 20% உயர்வு
மஹிந்திரா & மஹிந்திரா நிறுவனம், மார்ச் மாதத்தில் ஏற்றுமதி உட்பட அதன் மொத்த விற்பனை, முந்தைய ஆண்டை விட 21 சதவீதம் உயர்ந்து 99,969 யூனிட்களாகப் பதிவாகியுள்ளதாக தெரிவித்தது.
இந்த உள்நாட்டு வாகனத் தயாரிப்பு நிறுவனம், மார்ச் 2025-இல் 82,431 வாகனங்களை (SUV-க்கள் மற்றும் LCV-க்கள்) விற்பனை செய்திருந்தது.
மார்ச் மாதத்தில், SUV-க்களின் உள்நாட்டு விற்பனை 25 சதவீதம் உயர்ந்து 60,272 யூனிகளாகப் பதிவாகியுள்ளது; இது ஓராண்டுக்கு முன்பு 48,048 யூனிட்களாக இருந்தது. ஏற்றுமதி உட்பட ஒட்டுமொத்த SUV விற்பனை 62,109 யூனிட்களாக இருந்தது என்று அந்நிறுவனம் கூறியது.
வணிக வாகனங்களின் உள்நாட்டு விற்பனை கடந்த மாதம் 24,928 யூனிட்களாக இருந்தது; இது கடந்த ஆண்டு மார்ச் மாதத்துடன் ஒப்பிடுகையில் 11 சதவீத வளர்ச்சியாகும்.
முழு நிதியாண்டு அடிப்படையில் பார்க்கையில், 2025-26 நிதியாண்டில் (FY26) SUV விற்பனை 20 சதவீதம் உயர்ந்து 6,60,276 யூனிட்களாகப் பதிவாகியுள்ளது; இது 2024-25 நிதியாண்டில் (FY25) விற்பனை செய்யப்பட்ட 5,51,487 யூனிட்களுன் ஒப்பிடும்போது குறிப்பிடத்தக்க வளர்ச்சியாகும் என்று இந்நிறுவனம் தெரிவித்தது.
மார்ச் மாதத்தில், ஏற்றுமதி உட்பட மொத்த டிராக்டர் விற்பனையில் 29 சதவீதம் ஆண்டுக்கு ஆண்டு வளர்ச்சியைப் பதிவு செய்து, 45,035 யூனிட்களை எட்டியுள்ளதாக அந்நிறுவனம் அறிக்கை வெளியிட்டது.
மார்ச் 2025-இல் அந்நிறுவனம் 34,934 டிராக்டர்களை விற்பனை செய்திருந்தது என்று மஹிந்திரா & மஹிந்திரா லிமிடெட் ஒரு அறிக்கையில் குறிப்பிட்டது.
மார்ச் 2026-இல் உள்நாட்டு விற்பனை 43,403 யூனிட்களாகப் பதிவாகியுள்ளது; இது மார்ச் 2025-இல் விற்பனையான 32,582 யூனிட்களுடன் ஒப்பிடுகையில் 33 சதவீதம் ஆண்டுக்கு ஆண்டு வளர்ச்சியாகும். இருப்பினும், இம்மாதத்தில் ஏற்றுமதி 31 சதவீதம் குறைந்து 1,632 யூனிட்களாகச் சரிந்துள்ளது; மார்ச் 2025-இல் 2,352 டிராக்டர்கள் ஏற்றுமதி செய்யப்பட்டிருந்தன என்று அந்நிறுவனம் தெரிவித்தது.
முழு நிதியாண்டு அடிப்படையில் பார்க்கையில், 2025-26 நிதியாண்டில் நிறுவனத்தின் மொத்த டிராக்டர் விற்பனை 24 சதவீதம் உயர்ந்து, 4,24,641 டிராக்டர்களிலிருந்து 5,26,403 யூனிட்களாகப் பதிவாகியுள்ளது என்று அந்நிறுவனம் கூறியது.
