தொழில்நுட்பச் சிக்கல்களால் அமெரிக்க வங்கிகளில் சேவைகள் பாதிப்பு.
அமெரிக்காவின் சில பெரிய வங்கிகளைப் பாதித்த கணினி அமைப்புச் சிக்கல்கள், திங்கட்கிழமை அன்று வாடிக்கையாளர்களைத் தீர்வுகளுக்காகத் மாற்று வழிகளை தேட வைத்தன.
சேஸ் வங்கி, வெல்ஸ் ஃபார்கோ மற்றும் யுஎஸ் வங்கி உள்ளிட்ட வங்கிகளின் ஆன்லைன் சேவைகளை அணுக முயன்றவர்கள் மற்றும் செல் (Zelle) டிஜிட்டல் கட்டணத் தளத்தின் பயனர்கள் பிழைச் செய்திகளை எதிர்கொண்டதால், அவர்கள் டவுன்டிடெக்டர் என்ற கண்காணிப்பு இணையதளத்தில் சிக்கல்களைப் புகாரளிக்கத் தொடங்கினர். இருப்பினும், பல வங்கிகளும் செல் நிறுவனமும் தங்கள் சேவைகள் சாதாரணமாக இயங்குவதாகக் கூறின.
X தளத்தில் வெளியிட்ட ஒரு அறிக்கையில், சேஸ் வங்கி சில விளக்கங்களை அளித்தது. அதன் ஹார்ட்வேர் அமைப்புகளில் உள்ள ஒரு மென்பொருள் பிழை மற்ற வங்கிகளையும் பாதித்திருக்கக்கூடும் என்றும், அது தற்காலிக சிக்கல் என்றும், இதைத் தீர்க்க தீவிரமாகச் செயல்பட்டு வருவதாகவும் கூறியுள்ளது.
டவுன்டிடெக்டரில் சிலர் இன்னும் சிக்கல்களைப் புகாரளித்து வந்தாலும், அந்த எண்ணிக்கை இப்போது கணிசமாகக் குறைந்துள்ளது.
நெட்வொர்க் மற்றும் உள்கட்டமைப்பு மேலாண்மை நிறுவனமான நெட்பாக்ஸ் லேப்ஸின் தலைமை நிர்வாக அதிகாரியும் இணை நிறுவனருமான கிரிஸ் பீவர்ஸ், பிபிசியிடம் கூறுகையில், இந்தத் தடங்கல்களுக்கும் இதற்கும் தொடர்பு உள்ளதா என மக்கள் சிந்திப்பது சரிதான், ஆனால் அது அவர்கள் எதிர்பார்ப்பது போல் இல்லை என்றார்.
“இங்கே எந்தச் சதியும் இல்லை. இதைவிட மிகவும் சாதாரணமான, புரிந்துகொள்ள வேண்டிய மிக முக்கியமான ஒன்று உள்ளது: உலகை இயக்கும் உள்கட்டமைப்பு முன்னெப்போதையும் விட வேகமாக மாறி வருகிறது, மேலும் மாற்றம் என்பது ஒரு ஆபத்து,” என்கிறார் அவர்.
“உலகை இயக்கும் உள்கட்டமைப்பில் மிக அதிக வேகத்தில் மாற்றங்கள் நிகழ்வதை நாம் காண்கிறோம். அவற்றில் பெரும்பாலானவை 30 முதல் 40 ஆண்டுகள் பழமையானவை, பல பத்தாண்டுகால தொழில்நுட்பங்களை கொண்டவை. நவீன செயல்பாடுகளின் தேவைகளுக்கு எதிராகப் பழைய அமைப்புகள் தங்கள் வரம்புகளை எட்டுவதால், விமானப் போக்குவரத்து போன்ற துறைகளில் சிக்கல்கள் ஏற்படுகின்றன” என்றார்.
இந்தப் பழைய நெட்வொர்க்குகளில் செயற்கை நுண்ணறிவு (AI) அதிக அழுத்தத்தை ஏற்படுத்துவதும், இவற்றின் பாதுகாப்பு தொடர்பாக உண்மையான அவசரத்தை உருவாக்குவதும் இந்த பிரச்சனையின் ஒரு பகுதி என்று பீவர்ஸ் மேலும் கூறுகிறார்.
