ITALYயில் HERO MOTOCORP அசத்தல்..

உலகின் மிகப்பெரிய இரு சக்கர வாகன உற்பத்தியாளரான ஹீரோ மோட்டோகார்ப், பெல்பி இன்டர்நேஷனலுடன் இணைந்து, இத்தாலிய சந்தையில் நுழைந்துள்ளது.

இத்தாலியில் ஹீரோவின் மோட்டார் சைக்கிள்களின் விநியோகத்தை அந்நாட்டின் மிகப்பெரிய இரு சக்கர வாகன விநியோகஸ்தர்களில் ஒன்றான பெல்பி இன்டர்நேஷனல் கையாளும். இது 160 க்கும் மேற்பட்ட டீலர்களைக் கொண்டுள்ளது.

முதல் கட்டமாக ஹீரோ மோட்டார் சைக்கிள்கள், 36 டீலர்ஷிப்கள் மூலம் இத்தாலியின் முக்கிய நகரங்களில் விற்பனை செய்யப்பட உள்ளது. வரும் மாதங்களில் டீலர்ஷிப்களின் எண்ணிக்கை 54 ஆக அதிகரிப்பட உள்ளது.

ஹீரோ மோட்டோகார்ப் இத்தாலியில் மூன்று முதன்மை மாடல்களை அறிமுகப்படுத்துகிறது: Xpulse 200 4V, Xpulse 200 4V Pro, மற்றும் Hunk 440. Xpulse ரக பைக்குகள், சாகசம் மற்றும் மோசமான சாலைகளில் பயணிக்கும் திறனுக்காக வடிவமைக்கப்பட்டுள்ளன. அதே நேரத்தில் Hunk 440 நகர்புற பயணம் மற்றும் மோட்டார் பாதை செயல்திறனுக்காக முன் நிறுத்தப்பட்டுள்ளது. அனைத்து மாடல்களும் யூரோ 5+ தரநிலைகளை பின்பற்றுகின்றன.

Hunk 440, 6,000 rpmஇல், 27 BHP பவரையும், 4,000 rpm இல், 36 Nm டார்க்கையும் வழங்குகிறது. இரட்டை சேனல் ABS, KYB USD கார்ட்ரிட்ஜ் ஃபோர்க்ஸ், முழு டிஜிட்டல் TFT டிஸ்ப்ளே மற்றும் முழு LED லைட்டிங் ஆகியவற்றைக் கொண்டுள்ளது. Xpulse 200 4V Pro 18.9 BHP மற்றும் 17.35 Nm டார்க், சாலை, ஆஃப்-ரோடு மற்றும் பேரணி பயன்பாட்டிற்கான பல ABS செயல்பாடுகள் மற்றும் புளூடூத் டர்ன்-பை-டர்ன் நேவிகேஷன் மற்றும் ஐரோப்பிய பாதைகளுக்கு ஏற்ற சஸ்பென்சன்கள் போன்ற அம்சங்களை கொண்டுள்ளது.

இத்தாலியில், ஹீரோ மோட்டோகார்ப் அதன் தயாரிப்புகளுக்கு ஐந்து ஆண்டு உத்தரவாதத்தை வழங்குகிறது.