கடும் சரிவை சந்தித்த இந்திய சந்தைகள்..

செப்டம்பர் 11ஆம் தேதி புதன்கிழமை இந்திய பங்குச்சந்தைகளில் குறிப்பிடத் தகுந்த சரிவு காணப்பட்டது. மும்பை பங்குச்சந்தை குறியீட்டு எண் சென்செக்ஸ் 398 புள்ளிகள் சரிந்து 81,523புள்ளிகளாகவும், தேசிய பங்குச்சந்தை குறியீட்டு எண் நிஃப்டி122 புள்ளிகள் சரிந்து 24,918புள்ளிகளாகவும் வர்த்தகம் நிறைவடைந்தது. எண்ணெய் , எரிவாயு மற்றும் பொதுத்துறை வங்கிப் பங்குகள் ஒன்றரை விழுக்காடு வரை சரிந்தன. மருந்து மற்றும் சந்தையில் வேகமாக விற்பனையாகும் பொருட்களின் நிறுவன பங்குகள் ஏற்றம் கண்டன. Asian Paints, Bajaj Finance, Sun Pharma நிறுவன பங்குகள் ஏற்றம் கண்டன, அதே நேரம், Tata Motors, NTPC, Adani Ports & SEZ ஆகிய நிறுவனங்கள் நஷ்டமடைந்தன. செப்டம்பர்11 ஆம் தேதி புதன் கிழமை சென்னையில் 22 கேரட் ஆபரணத்தங்கத்தின் விலை 35 ரூபாய் உயர்ந்து ஒரு கிராம் தங்கம் 6 ஆயிரத்து 6715 ரூபாயாக விற்கப்பட்டது. ஒரு சவரன் தங்கம் 53 ஆயிரத்து 720ரூபாயாக விற்பனை செய்யப்படுகிறது. வெள்ளி விலை கிராமுக்கு 50 காசுகள் உயர்ந்து 91 ரூபாய் 50 காசுகளாக விற்கப்படுகிறது. கட்டி வெள்ளி விலை கிலோ 500 ரூபாய் உயர்ந்து 91 ஆயிரத்து 500 ரூபாயாக உள்ளது. தங்கம் மற்றும் வெள்ளியின் விலைகளில் 3 விழுக்காடு எந்த கடையில் எடுத்தாலும் ஜிஎஸ்டி கட்டாயம் செலுத்த வேண்டும். அதே நேரம் தங்கம் மற்றும் வெள்ளிக்கு கடைக்கு கடை செய்கூலி, சேதாரம் மாறுபடும்.