6 பில்லியன் டாலர் ஐபோன் ஏற்றுமதி..

உலக அளவில் பிரபலமான iphone உற்பத்தி இந்தியாவில் அதிக அளவில் நடந்து வருகிறது. ஐபோன் இந்தியாவிலிருந்து 6 பில்லியன் அமெரிக்க டாலர் மதிப்பில் ஏற்றுமதி செய்யப்பட்டுள்ளதாக தகவல் வெளியாகி உள்ளது. அமெரிக்காவை தலைமை இடமாகக் கொண்டு ஆப்பிள் நிறுவனம் இயங்கி வருகிறது ஆப்பிள் நிறுவனத்தில் உற்பத்தி பெரிய அளவு சீனாவில் நடைபெற்று வந்தது இந்நிலையில் சீனாவை மட்டும் நம்பி இல்லாமல் இந்தியாவிலும் அதிக அளவில் ஐபோன்கள் தயாரிக்கப்பட்டு வந்தன.
அமெரிக்கா சீனா இடையிலான கருத்து வேறுபாடு காரணமாக சீனாவிடம் இருந்து உற்பத்தியை இந்தியாவுக்கு ஆப்பிள் நிறுவனம் மாற்றியது. ஆப்பிள் நிறுவனத்தில் இந்த அதிரடி முடிவால் இந்தியர்களுக்கு அதிக அளவில் வேலை வாய்ப்பு கிடைத்தது. திறமையான பணியாளர்கள் உள்ளூர் அரசாங்கங்களில் மானியம் உள்ளிட்ட அம்சங்களால் இந்தியாவில் ஆப்பிள் போன் உற்பத்தி அதிக அளவில் நடைபெற்று வருகிறது. 2024 ஆம் ஆண்டு மட்டும் 10 பில்லியன் அமெரிக்க டாலர் அளவிற்கு ஆப்பிள் ஐபோன் உற்பத்தி நடைபெற்று வருகிறது. Foxconn, wistron, pegatron ஆகிய நிறுவனங்கள் இந்தியாவில் ஐபோனை அசெம்பிள் செய்து வருகின்றனர். இந்த நிறுவனங்களுடன் இந்தியாவின் முன்னணி டெக் நிறுவனமான டாட்டா குழுமமும் இணைந்துள்ளது. இந்தியாவின் தென்பகுதியிலேயே அதிக அளவில் ஐபோன் உற்பத்தி ஆகி வருகிறது. இந்தியாவில் ஐபோனை பயன்படுத்துவோர் எண்ணிக்கை வெறும் ஏழு சதவீதமாக உள்ளது.