ஐடிசி நிறுவனத்தின் காலாண்டு வருவாய் 17% அதிகரிப்பு

சிகரெட் தயாரிப்பு நிறுவனமான ஐடிசி லிமிடெட், அதன் நான்காம் காலாண்டு முடிவுகளை நேற்று அறிவித்தது. பங்குச் சந்தை அமர்வின் இறுதிக் கட்டத்தில் இந்த வருவாய் அறிவிக்கப்பட்டதால், இந்த முன்னணி நுகர்வோர் பொருட்கள் நிறுவனத்தின் பங்குகளில் கடுமையான ஏற்ற இறக்கங்கள் ஏற்பட்டன. தேசிய பங்குச் சந்தையில் (NSE) ஐடிசி பங்கு விலை 0.13% உயர்வுடன் அமர்வின் முடிவில் நிலைபெற்றது.

நான்காம் காலாண்டில் ஐடிசியின் லாபம் கிட்டத்தட்ட 72% சரிந்து ₹5,388 கோடியாக இருந்தது. இருப்பினும், தொடர் செயல்பாடுகளின் மூலம் கிடைத்த லாபம், கடந்த ஆண்டுடன் ஒப்பிடுகையில் 6% அதிகரித்து ₹5469.74 கோடியாக இருந்தது.

அதன் ஹோட்டல் வணிகத்தைப் பிரித்ததைத் தொடர்ந்து, கடந்த ஆண்டு இதே காலாண்டில் இந்நிறுவனம் ₹15,179 கோடி ஒருமுறை ஆதாயத்தைப் பதிவு செய்திருந்தது.

இதற்கிடையில், செயல்பாடுகளின் மூலம் கிடைத்த வருவாய், கடந்த ஆண்டு இதே காலகட்டத்தில் ₹20,376.36 கோடியாக இருந்த நிலையில், கடந்த ஆண்டுடன் ஒப்பிடுகையில் 17% அதிகரித்து ₹23,821.48 கோடியாக உயர்ந்துள்ளது.

ஐடிசி நிர்வாக குழு, நிதியாண்டிற்கான தலா ₹1 மதிப்புள்ள ஒவ்வொரு சாதாரணப் பங்கிற்கும் ₹8 இறுதி ஈவுத்தொகையை பரிந்துரைத்துள்ளது.
அத்தகைய இறுதி ஈவுத்தொகைக்கான உறுப்பினர்களின் தகுதியைத் தீர்மானிக்கும் நோக்கத்திற்காக, ஐடிசி மே 27, புதன்கிழமையை பதிவுத் தேதியாக (Record Date) நிர்ணயித்துள்ளது.

சவாலான பேரியல் பொருளாதார மற்றும் செயல்பாட்டுச் சூழலுக்கு மத்தியிலும், இந்த ஆண்டில் நிறுவனம் ஒரு வலுவான செயல்திறனை வெளிப்படுத்தியது. ஒட்டுமொத்தமாக, FY26-ல், மொத்த வருவாய் 10.1% அதிகரித்து ரூ. 80867.49 கோடியாகவும், EBITDA 4.9% அதிகரித்து ரூ. 25208.22 கோடியாகவும் இருந்தது. ஆண்டின் இரண்டாம் பாதியில், மொத்த வருவாய் 12.2% மற்றும் EBITDA 7.5% வளர்ச்சி கண்டன.

அசாதாரணச் செலவினங்கள் மற்றும் வரிக்கு முந்தைய ஆண்டுக்கான லாபம் ₹26951.47 கோடியாக இருந்தது. ஆண்டுக்கான ஒரு பங்கு வருமானம் ரூ. 16.20 ஆக இருந்தது (முந்தைய ஆண்டு ரூ. 16.07).

நான்காம் காலாண்டு லாபம் ஆண்டுக்கு ஆண்டு 21% மற்றும் காலாண்டுக்கு காலாண்டு 24% உயர்ந்ததால், காகிதப் பிரிவின் செயல்திறன் தொடர்ந்து மேம்பட்டு வருகிறது.

வேளாண் வணிகப் பிரிவின் வருவாய் 3% உயர்தது. (2 ஆண்டுகால கூட்டு வருடாந்திர வளர்ச்சி விகிதம் – CAGR: 13%)