Tata Motors-ல் முக்கிய மைல்கல்..

டாடா மோட்டார்ஸ் கமெர்சியல் வெஹிக்கில்ஸ் (TMCV) நிறுவனத்தின் பங்குகள் பங்கு சந்தையில் நாளை பட்டியலிடப்படுகின்றன. இந்த நிகழ்வு டாடா மோட்டார்ஸ் பிரிவின் ஒரு முக்கிய மைல்கல்லைக் குறிக்கிறது. இதன் மூலம் இந்த வாகன உற்பத்தியாளரின் பயணிகள் வாகனம் (PV) பிரிவும் சரக்கு வாகன (CV) பிரிவும் இரண்டு சுயாதீன நிறுவனங்களாகப் பிரிக்கப்பட்டுள்ளன.

டாடா மோட்டார்ஸ் நிறுவனத்தின் பிரிவினை அதிகாரப்பூர்வமாக அக்டோபர் 1, 2025 அன்று நடைமுறைக்கு வந்தது. இரண்டு தனித்தனி, பட்டியலிடப்பட்ட நிறுவனங்களை உருவாக்கியது: மின்சார வாகனம் (EV) மற்றும் ஜாகுவார் லேண்ட் ரோவர் (JLR) ஆகியவற்றை கொண்டது டாடா மோட்டார்ஸ் பிவி ; சரக்கு வாகனங்கள் உற்பத்தி பிரிவை கொண்டது டாடா மோட்டார்ஸ் சிவி (TMCV).

இதன்படி டாடா மோட்டார்ஸ் லிமிடெட் என வர்த்தகம் செய்யப்படும் டாடா மோட்டார்ஸ் சிவி பங்குகள் ‘டி’ குழும பிரிவின் கீழ் பட்டியலிடப்படும். ஒவ்வொரு பங்கும் ₹2 முக மதிப்பு கொண்டதாக இருக்கும் என்று பிஎஸ்இ ஒரு அறிவிப்பில் தெரிவித்துள்ளது.

பிரித்தல் திட்டத்தின் ஒரு பகுதியாக, டாடா மோட்டார்ஸ் சிவி 1:1 விகிதத்தில் TMPVL பங்குதாரர்களுக்கு தலா ₹2 மதிப்புள்ள 3,68,23,31,373 பங்குகளை வெளியீட்டு ஒதுக்கீடு செய்யும்.

ஒதுக்கீட்டிற்குப் பிறகு, டாடா மோட்டார்ஸ் சிவியின் வழங்கப்பட்ட மற்றும் செலுத்தப்பட்ட பங்கு மூலதனம் ₹7,36.47 கோடியாக இருக்கும். இதில் ₹2 முக மதிப்புள்ள முழுவதும் செலுத்தப்பட்ட 368 கோடி பங்குகள் இருக்கும்.

அதிகாரப்பூர்வ பட்டியலுக்கு முன்னதாக, புதிதாக உருவாக்கப்பட்ட இரண்டு நிறுவனங்களின் விலை கண்டுபிடிப்பைத் தீர்மானிக்க பங்குச் சந்தைகள் அக்டோபர் 14 அன்று ஒரு சிறப்பு முன்-பட்டியலிடுதல் வர்த்தக அமர்வை நடத்தின.

அமர்வின் முடிவில் டாடா மோட்டார்ஸ் பிவி ஒரு பங்குக்கு ₹400 என்றும், டாடா மோட்டார்ஸ் சிவி ஒரு பங்குக்கு ₹261 என்றும் முதலீட்டாளர்கள் மதிப்பிட்டனர்.