UPI செயல்பாடுகளுக்க்காக இன்டஸ்இண்ட் வங்கியுடன் நவி UPI கூட்டணி
நவி UPI தனது UPI செயல்பாடுகளுக்குத் துணையாக இருக்கும் தொழில்நுட்பக் கட்டமைப்பை வலுப்படுத்த, இன்டஸ்இண்ட் வங்கியுடன் ஒரு கூட்டு முயற்சியை இன்று அறிவித்துள்ளது. டிஜிட்டல் பணப் பரிவர்த்தனைகள் தொடர்ந்து வளர்ந்து வரும் நிலையில், நவி UPI-க்கான அடித்தளத்தை வலுப்படுத்தவும் விரிவுபடுத்தவும், இன்டஸ்இண்ட் வங்கியின் வங்கிச் சேவைத் திறன்களையும் நவியின் தொழில்நுட்ப நிபுணத்துவத்தையும் இந்தக் கூட்டு முயற்சி ஒன்றிணைக்கிறது.
காலை நேரத் தேநீர் செலவு முதல் இரவு உணவுக்கான கட்டணத்தைப் பகிர்ந்துகொள்வது அல்லது மாதாந்திரக் கட்டணங்களைச் செலுத்துவது வரை, UPI கோடிக்கணக்கான இந்தியர்களின் அன்றாட வாழ்க்கையின் ஒரு முக்கிய அங்கமாக மாறியுள்ளது. டிஜிட்டல் பணப் பரிவர்த்தனைகளின் பயன்பாடும் அளவும் தொடர்ந்து அதிகரித்து வருவதால், இப்பரிவர்த்தனைகளைச் செயல்படுத்தும் தொழில்நுட்பமும் அதற்கேற்ப மேம்பட வேண்டியது அவசியமாகிறது.
இந்தக் கூட்டு முயற்சியின் மையமாக ஒரு புதிய UPI பேமெண்ட் ஸ்விட்ச் உள்ளது; இது UPI சூழல் அமைப்பில் உள்ள பங்கேற்பாளர்களுக்கு இடையிலான பரிவர்த்தனைகளைச் செயல்படுத்தவும் வழிநடத்தவும் உதவுகிறது. இந்த புதிய ஸ்விட்ச் இணைப்பானது நவி UPI-யின் தொழில்நுட்பக் கட்டமைப்பை மேலும் பன்முகப்படுத்துவதுடன், அதன் பணப் பரிவர்த்தனை வணிகம் வளரும்போது அதற்கேற்ப விரிவடையும் திறனையும் மற்றும் செயல்பாட்டு உறுதித்தன்மையையும் மேம்படுத்தும்.
இந்தக் கூட்டு முயற்சி குறித்து நவியின் நிர்வாக இயக்குநரும் தலைமை நிர்வாக அதிகாரியுமான ராஜீவ் நரேஷ் கூறுகையில், “சிறந்த டிஜிட்டல் நிதிச் சேவை அனுபவமானது வலுவான தொழில்நுட்பம், சிந்தனையுடன் கூடிய தயாரிப்பு வடிவமைப்பு மற்றும் வாடிக்கையாளரைப் பற்றிய ஆழமான புரிதல் ஆகியவற்றின் கலவையால் உருவாக்கப்படுகிறது என்று நாங்கள் எப்போதும் நம்புகிறோம். இன்டஸ்இண்ட் வங்கியுடனான எங்கள் கூட்டு முயற்சி, எங்கள் UPI திறன்களுக்கு மற்றொரு முக்கிய பரிமாணத்தைச் சேர்க்கிறது; இது எங்கள் வாடிக்கையாளர்களுக்கு மிகவும் நம்பகமான மற்றும் தடையற்ற UPI அனுபவத்தை வழங்குவதற்கான அடித்தளத்தை வலுப்படுத்தும் என்று நாங்கள் நம்புகிறோம். இன்டஸ்இண்ட் வங்கி குழுவினர் இந்தக் கூட்டு முயற்சியில் வெளிப்படுத்திய நம்பிக்கை மற்றும் கூட்டு அணுகுமுறையை நாங்கள் மதிக்கிறோம்” என்று தெரிவித்தார்.
இன்டஸ்இண்ட் வங்கியின் நிர்வாக இயக்குநர் கணேஷ் சங்கரன், “நவி UPI உடனான எங்கள் கூட்டு முயற்சி ஒரு முக்கிய மைல்கல்லாகும்; இது வலுவான டிஜிட்டல் பணப் பரிவர்த்தனை சூழல் அமைப்புகளை உருவாக்குவதில் எங்களுக்குள்ள பொதுவான நோக்கத்தைப் பிரதிபலிக்கிறது” என்று கூறினார்.
