சிஜி பவர் நிறுவனத்தின் சானந்த் ஆலையில் சிப் பேக்கேஜிங்

சிஜி பவர் நிறுவனத்தின் சானந்த் ஆலையில் சிப் பேக்கேஜிங்

குஜராத் மாநிலம் சானந்தில் அமைந்துள்ள சிஜி பவர் நிறுவனத்தின் சிப் பேக்கேஜிங் பிரிவான சிஜி செமி, அதன் புதிய உற்பத்தி மையத்தில் ஐரோப்பா மற்றும் அமெரிக்காவைச் சேர்ந்த முன்னணி சர்வதேச நிறுவனங்களின் செமிக்கண்டக்டர் சிப்களை பேக்கேஜிங் செய்வதற்காக பேச்சுவார்த்தை நடத்தி வருகிறது.

இந்த ஆலையில் நுகர்வோர், தொழில் துறை, மற்றும் தானுந்துத் துறைக்கான சிப்கள் உட்பட, வாடிக்கையாளர்கள் விரும்பும் அனைத்து வகையான சிப்களையும் பேக்கேஜ் செய்ய முடியும் என்று இந்த நிறுவனம் கூறுகிறது..

“இப்போது வாடிக்கையாளர்களுக்குக் காண்பிக்க ஒரு ஆலை உள்ளது. இதுவே மிகவும் உற்சாகமான விஷயம். இந்த ஆலை ஏற்கனவே செயல்பட்டு வருகிறது, மேலும் எங்கள் மிகப்பெரிய வாடிக்கையாளரான ரெனேசாஸ் நிறுவனத்திற்கான சிப்களைத் தகுதிப்படுத்தும் பணியும் நடந்து வருகிறது.

எனவே, மற்ற நிறுவனங்களும் இப்போது வரத் தொடங்கியுள்ளன. விரைவில், அவர்களில் சிலரையும் தகுதிப்படுத்தும் செயல்முறைக்குள் கொண்டு வருவோம் என்று நம்புகிறோம்,” என்று அவர் கூறினார்.

ஜப்பானின் ரெனேசாஸ் எலெக்ட்ரானிக்ஸ் கார்ப்பரேஷன் மற்றும் தாய்லாந்தின் ஸ்டார்ஸ் மைக்ரோ எலெக்ட்ரானிக்ஸ் ஆகிய நிறுவனங்களுடன் இணைந்து, சானந்தில் சுமார் ரூ. 7,600 கோடி முதலீட்டில் இந்த ஆலை உருவாக்கப்பட்டு வருகிறது.

சமீபத்தில் இந்தியாவின் முதல் முழுமையான செமிக்கண்டக்டர் சிப் பேக்கேஜிங் பரிசோதனைத் திட்டத்தை (OSAT) தொடங்கிய சிஜி செமி, தனது G1 ஆலையில் இருந்து வணிக ரீதியிலான உற்பத்தியைத் தொடங்க உள்ளது.

மேலும், மூன்று கிலோமீட்டர் தொலைவில் உள்ள G2 ஆலையின் கட்டுமானப் பணிகள் 2026-ன் இறுதிக்குள் நிறைவடையும் என எதிர்பார்க்கப்படுகிறது. G2 ஆலையில் இருந்து உற்பத்தி செய்யப்படும் சிப்கள் தகுதிப்படுத்தப்பட்ட பிறகு, விரைவில் உற்பத்தி தொடங்கப்படும்.

ஆகஸ்டில் தொடங்கப்பட்ட பரிசோதனைத் திட்டத்தின் உற்பத்தித் திறன் ஒரு நாளைக்கு 0.5 மில்லியன் சிப்கள் ஆகும். அதே சமயம், கட்டுமானத்தில் உள்ள G2 ஆலையின் அதிகபட்ச உற்பத்தித் திறன் ஒரு நாளைக்கு 14.5 மில்லியன் சிப்கள் என எதிர்பார்க்கப்படுகிறது.

இந்த இரு ஆலைகளிலும் வணிக ரீதியிலான உற்பத்தி தொடங்கிய பின்னர், சுமார் 2,500 பேருக்கு வேலைவாய்ப்பு கிடைக்கும் என சிஜி பவர் நிறுவனம் எதிர்பார்க்கிறது.