ஜிஎஸ்டி சீர்திருத்தம்: ஐ.டி.சி. உணவுப் பொருட்கள் விலையில் குறைப்பு – நுகர்வோருக்கு நேரடி பலன்

ஜிஎஸ்டி விகித சீர்திருத்தம்
சுருக்கம் சமீபத்திய ஜி.எ.ஸ்டி. விகித முறைப்படுத்துதலால், ஐ.டி.சி.-யின் உணவுப் பிரிவு பயனடைய உள்ளது. இதன் மூலம் அதன் ஊட்டச்சத்துப் பொருட்கள் மலிவான விலையில் கிடைக்கும்.

இந்நிறுவனம், செப்டம்பர் 22 முதல் அதன் அனைத்து தயாரிப்புகளிலும் விலைக் குறைப்பு செய்வதன் மூலம் இந்த பலன்களை நுகர்வோருக்கு அளிக்க திட்டமிட்டுள்ளது. பண்டிகைக் காலத்திற்கு முன்னதாக முக்கிய உணவுப் பொருட்களின் நுகர்வை இந்த நடவடிக்கை அதிகரிக்கும் என எதிர்பார்க்கப்படுகிறது.

சமீபத்தில் ஜி.எ.ஸ்டி. விகிதங்கள் முறைப்படுத்தப்பட்டது, ஐ.டி.சி. -யின் உணவுப் பிரிவுக்கு ஊக்கமளிக்கும், ஏனெனில் அதன் ஊட்டச்சத்துப் பொருட்கள் மலிவான விலையில் கிடைக்கும் என்று நிறுவன அதிகாரி சனிக்கிழமை தெரிவித்தார்.

ஐ.டி.சி. லிமிடெட்டின் நிர்வாக இயக்குநர் ஹேமந்த் மாலிக், தங்கள் தயாரிப்புகளின் விலைகளைக் குறைப்பதன் மூலம் இந்த பலன்களை நுகர்வோருக்கு அளிப்போம் என்று கூறினார்.
“தூரநோக்குடன் மேற்கொள்ளப்பட்ட ஜி.எ.ஸ்டி. சீர்திருத்தங்கள், ஐ.டி.சி. ஃபுட்ஸ்-ன் ஒட்டுமொத்த உத்திக்கு ஒரு உந்துதலை அளிக்கிறது. இது ஊட்டச்சத்துப் பொருட்களை மலிவு விலையில் கிடைக்கச் செய்து மக்களை சென்றடைய உதவும்” என்று அவர் கூறினார்.

சரக்கு மற்றும் சேவை வரி (ஜி.எ.ஸ்டி.) கவுன்சில் சமீபத்தில் வரி விகிதங்களை முறைப்படுத்தி, 5% மற்றும் 18% என இரண்டு விகித அமைப்பை உருவாக்க முடிவு செய்தது. செப்டம்பர் 22 முதல் அமலுக்கு வரும் இந்த திருத்தம், ஏராளமான பொருட்கள், சேவைகளின் விலைகளைக் குறைக்கும்.

விலைக் குறைப்பு செப்டம்பர் 22 முதல் அமலுக்கு வருவதால், புதிய, பழைய அதிகபட்ச சில்லறை விலைகளுடன் கூடிய தயாரிப்புகள் சந்தையில் கிடைக்கக்கூடும் என்று மாலிக் தெரிவித்தார்.
உணவுப் பொருட்கள் உட்பட, அதன் பல்வேறு வகையான எஃப்எம்சிஜி தயாரிப்புகளுக்கு வரவிருக்கும் விலைக் குறைப்புகளை நிறுவனம் ஏற்கனவே அறிவித்துள்ளது.

2024-25 நிதியாண்டில் ஐ.டி.சி.-யின் எஃப்எம்சிஜி வருவாய் சுமார் ரூ. 22,000 கோடியைத் தொட்டது.
இந்த உத்தியின் முக்கிய நோக்கம், ஊட்டச்சத்து நிறைந்த மதிப்பு கூட்டப்பட்ட பொருட்களை உருவாக்கி, நுகர்வோருக்கு மலிவு விலையில் கிடைக்கச் செய்வது என்று மாலிக் கூறினார்.

“அரசின் இந்த முழுமையான ஜி.எ.ஸ்டி. சீர்திருத்தங்கள், பண்டிகைக் காலத்திற்கு முன்னதாக முக்கிய உணவுப் பொருட்களின் நுகர்வை அதிகரிக்கும்” என்று அவர் கூறினார்.