TCS-இன் மெகா திட்டம்..!!

டாடா கன்சல்டன்சி சர்வீசஸ் (TCS) , ஜெர்மன் மென்பொருள் நிறுவனமான SAPஇன் நிறுவன அளவிலான கிளவுட் மற்றும் ஜெனரேட்டிவ் AI செயல்பாடுகளை நவீனமயமாக்க, SAP உடன் ஐந்து ஆண்டு ஒப்பந்தத்தில் கையெழுத்திட்டுள்ளது.

ஒப்பந்த மதிப்பு வெளியிடப்படவில்லை. ஆனால் இந்த அளவிலான, IT நவீனமயமாக்கல் திட்டங்கள் பொதுவாக நூற்றுக்கணக்கான கோடி டாலர்களை எட்டும் என்று ஆய்வாளர்கள் தெரிவித்தனர்.

SAP கிளவுட் மற்றும் GenAI தத்தெடுப்பை எவ்வளவு விரைவாக முன்னெடுக்கும் என்பதைப் பொறுத்து இதன் அளவு இருக்கும். ஒப்பந்தத்தின் ஒரு பகுதியாக, SAP அதன் சிக்கலான IT நிலப்பரப்பை நெறிப்படுத்தவும், தடையற்ற IT செயல்பாடுகளை செயல்படுத்தவும், AI தலைமையிலான திறன்களை வலுப்படுத்தவும் TCS உதவும்.

அடுத்த ஐந்து ஆண்டுகளில், SAP நிறுவனம் புத்தாக்கங்களை விரைவுபடுத்தவும் வணிகத் தேவைகளுக்கு ஏற்ப செயல்படும் தன்மையை மேம்படுத்தவும், SAP இன் IT வணிக செயல்பாட்டை மறுவடிவமைப்பதில் TCS கவனம் செலுத்தும்.

“இந்த ஒத்துழைப்பு, AI மற்றும் cloud-இன் உருமாற்ற திறனைப் பயன்படுத்தி வருவாய் அளிக்கும் புதிய திட்டங்களை துவக்கவும், வணிக வளர்ச்சியை துரிதப்படுத்தவும், உலகளவில் நிறுவனங்களுக்கும் அவர்களின் வாடிக்கையாளர்களுக்கும் வேறுபட்ட அனுபவங்களை வழங்கவும் உதவும்” என்று TCS-இன் தொழில்நுட்பம் மற்றும் மென்பொருள் சேவைகளின் தலைவர் V. ராஜண்ணா கூறினார்.

இந்த ஆண்டு முழுவதும், IT துறையில் செய்யப்பட்டுள்ள ஒப்பந்தங்கள் பெரும்பாலும் செலவுக் குறைப்பு மற்றும் செயல்திறன் மேம்பாட்டில் கவனம் செலுத்தியுள்ளன. ஏனெனில் நிறுவனங்கள் நிச்சயமற்ற உலகப் பொருளாதார சூழலில், செலவுகளைக் கட்டுப்படுத்த விரும்புகின்றன.

“TCS பல ஆண்டுகளாக SAP உடன் இணைந்து செயல்பட்டு வருகிறது. ஆனால் இது SAP இன் சொந்த IT செயல்பாடுகளை மாற்றுவதில் கவனம் செலுத்துவதால், இது தனித்து நிற்கிறது,” என்று HfS ஆராய்ச்சியின் நிறுவனர் பில் ஃபெர்ஷ்ட் கூறினார்