பிளிப்கார்ட்டில் சம்பள உயர்வு..

பிரபல மின்வணிக நிறுவனமான பிளிப்கார்ட் தனது பணியாளர்களுக்கு சம்பள உயர்வை அறிவித்துள்ளது. சிலருக்கு போனசும் அறிவிக்கப்பட்டுள்ளது. வால்மார்ட்டின் கீழ் இயங்கும் பிளிப்கார்ட் நிறுவனம் கடந்த ஜனவரியில் 5 விழுக்காடு பணியாளர்களை ஆட்குறைப்பு செய்தது.
மீதமுள்ள பணியாளர்களை இரண்டு பிரிவுகளாக பிரித்து சம்பள உயர்வு அளித்திருக்கிறது. ஜூனியர் மற்றும் மிடில் மேனேஜ்மண்ட் என்ற அந்த பிரிவுகளில் பணியாற்றும் பணியாளர்களுக்கு சம்பளமாக உயர்த்தாமல், மெரிட் அடிப்படையிலான போனசாக சம்பள உயர்வு அளிக்கப்பட்டுள்ளது. இந்த வகை சம்பள உயர்வு ஆண்டின் ஏப்ரல் மற்றும் அக்டோபரில் ஊழியர்களுக்கு அளிக்கப்படுவது வழக்கம். மூத்த ஊழியர்கள் மற்றும் முக்கிய பொறுப்புகளில் இருப்போருக்கு எந்த சம்பள உயர்வும் கிடைக்கவில்லை.கடந்தாண்டு சீனியர் பணியாளர்களுக்கும் சம்பள உயர்வு போனசாக அளிக்கப்பட்டது. ஆனால் இந்த முறை எந்த விதமான ஊதிய உயர்வும் அளிக்கப்படவில்லை.