அமெரிக்க நிறுவனத்தை வாங்கிய இந்திய ஜாம்பவான் நிறுவனம்..

இந்தியாவில் மருந்துத்துறையில் பல ஆண்டுகால அனுபவம் பெற்ற டாக்டர் ரெட்டீஸ் நிறுவனம் அமெரிக்காவில் பிரபலமான மெனோ லேப்ஸ் நிறுவனத்தை வாங்கியுள்ளது. இந்த நிறுவனம் மகளிரின் சுகாதாரம் மற்றும் சத்து பொருட்களை தயாரிக்கும் நிறுவனமாகும். அமெரிக்காவில் இயங்கி வந்த மெனோ லேப்ஸ் நிறுவனம் 3 மில்லியன் அமெரிக்க டாலர்கள் பிரச்னையில் திவாலான நிறுவனமாகும். மாதவிடாய் முழுமையாக நிற்கும் பெண்களுக்கான ஊட்டச்சத்து சார்ந்த 7 பிராண்டுகளை டாக்டர் ரெட்டிஸ் நிறுவனம் தற்போது வாங்கியுள்ளது. மெனோ ஃபிட், மெனோ கிளோ உள்ளிட்ட பொருட்களும், ஹாப்பி ஃபைபர் மற்றும் ஊட்டச்சத்து பொருட்களை தயாரிக்கவும் டாக்டர் ரெட்டீஸ் திட்டமிட்டுள்ளது. மெனோ லைஃப் என்ற செல்போன் செயலியைும் டாக்டர் ரெட்டிஸ் நிறுவனம் வாங்கியுள்ளது. அமெரிக்க சந்தையில் டாக்டர் ரெட்டீஸ் நிறுவனம் வலுவாக காலூன்ற இந்த புதிய பர்சேஸ் உதவும் என்றும் நிபுணர்கள் தெரிவிக்கின்றனர்.