ஜூனில் 51,335 வாகனங்களை விற்பனை செய்த ஹூண்டாய் மோட்டார்ஸ்
ஹூண்டாய் மோட்டார் இந்தியா லிமிடெட் (HMIL), ஜூன் 2026-ல் மொத்தம் 51,335 வாகனங்கள் விற்பனை செய்யப்பட்டதாக புதன்கிழமையன்று அறிவித்தது.
இதில் 39,635 உள்நாட்டு விற்பனை மற்றும் 11,700 வாகனங்களின் ஏற்றுமதி ஆகியவை அடங்கும் என்று HMIL ஒழுங்குமுறை ஆணையத்திடம் தாக்கல் செய்த அறிக்கையில் தெரிவித்துள்ளது.
ஜூன் 2026 விற்பனை குறித்து கருத்து தெரிவித்த HMIL-ன் நிர்வாக இயக்குநரும் தலைமை நிர்வாக அதிகாரியுமான தருண் கார்க், “உதிரி பாகம் வழங்கும் நிறுவனத்தின் உற்பத்தி ஆலை ஒன்றில் ஏற்பட்ட தீ விபத்தால் உற்பத்தியில் தற்காலிகத் தடை ஏற்பட்டு, 13,900 வாகனங்கள் உற்பத்தி இழப்பைச் சந்தித்த போதிலும்” நிறுவனம் இந்த மொத்த விற்பனை எண்ணிக்கையை எட்டியுள்ளதாகக் கூறினார்.
“மாற்று இடங்களிலிருந்து வாகன உதிரிபாகங்களை ஏற்பாடு செய்வது உட்பட, உற்பத்தியைச் சீராக்கத் தேவையான அனைத்து நடவடிக்கைகளையும் HMIL எடுத்துள்ளது” என்றும் அவர் மேலும் கூறினார்.
கார்க் மேலும் கூறுகையில், “ஜூன் 22, 2026 முதல் எங்கள் அனைத்து ஆலைகளிலும் உற்பத்தி நடவடிக்கைகள் இயல்பு நிலைக்குத் திரும்பியுள்ளன. ஜூன் மாத உற்பத்தி இழப்பை 2026-27 நிதியாண்டின் இரண்டாம் காலாண்டிற்குள் ஈடுசெய்வோம் என்று எதிர்பார்க்கிறோம்,” என்றார்.
