நாட்கோ பார்மாவுடன் கூட்டணி அமைக்கும் எரிஸ் லைஃப் சயின்சஸ்
இந்தியாவில் செமக்ளூடைடை வணிகமயமாக்குவதற்காக, நாட்கோ பார்மாவுடன் ஒரு கூட்டணியை எரிஸ் லைஃப் சயின்சஸ் அறிவித்துள்ளது.
நோவோ நோர்டிஸ்கின் எடை இழப்பு மற்றும் நீரிழிவு நோய் மருந்தான வெகோவி/ஓசெம்பிக் மருந்தில், செமக்ளூடைடு செயலில் உள்ள மூலப்பொருளாகும். மேலும் இந்த மூலப்பொருளுக்கான காப்புரிமை இந்த மார்ச் மாதத்தில் இந்தியா உட்பட சில சந்தைகளில் காலாவதியாகிறது. டாக்டர் ரெட்டிஸ் லேபாரட்டரீஸ், லூபின், சிப்லா மற்றும் சன் பார்மா உள்ளிட்ட பல இந்திய நிறுவனங்கள், இந்த மருந்துக்கான, தங்களின் பொதுவான பதிப்புகளை வெளியிட திட்டமிட்டுள்ளன.
₹2,894 கோடி மதிப்புள்ள எரிஸ் நிறுவனம், நீரிழிவு நோய் சிகிச்சைக்கான மருந்து உற்பத்தியில் அதன் இருப்பை உருவாக்கியுள்ளது. செமக்ளூடைடைச் சேர்ப்பது அதன் போர்ட்ஃபோலியோவை வலுப்படுத்தும். இந்த ஒத்துழைப்பு இரு நிறுவனங்களின் பலங்களையும் அடிப்படையாகக் கொண்டது – எரிஸின் வணிக மற்றும் நீரிழிவு மருந்து பிரிவில் அதன் சந்தை பங்கு மற்றும் சிக்கலான மருந்துகள் தயாரிப்பில் நாட்கோவின் உற்பத்தி மற்றும் ஒழுங்குமுறை திறன்.
நாட்கோ பார்மா இந்தியாவில் ஒழுங்குமுறை ஆணைய ஒப்புதலைப் பெற்றுள்ளது. இது மார்ச் 2026 இல் தொடங்கப்படுவதற்கு வழி வகுத்தது. “புதுமையான மற்றும் அதிக தாக்கத்தை ஏற்படுத்தும் சிகிச்சைகள் மூலம், நீரிழிவு நோய் சிகிச்சை துறையில் எங்களின் பங்களிப்பை வலுப்படுத்துவதற்கான எங்கள் தொடர்ச்சியான உறுதிப்பாட்டை இந்த கூட்டணி பிரதிபலிக்கிறது. எங்களின் வலுவான வணிக உள்கட்டமைப்பு மற்றும் நிரந்தர நோய்களுக்கான சிகிச்சைகளில் நீண்ட வருட அனுபவமும், எரிஸுடனான இந்த கூட்டணி மூலம், நோயாளிகளின் அணுகலை மேம்படுத்த முடியும்” என்று எரிஸ் லைஃப் சயின்சஸ் தலைவரும் நிர்வாக இயக்குநருமான அமித் பக்ஷி கூறியுள்ளார்.
