ரத்தன் டாட்டாவை அறிந்து கொள்ள ஒரு வாய்ப்பு!!!!

உப்பு முதல் உலகமே சுற்றும் விமானம் வரை கால்வைக்கும் துறைகளில் எல்லாம் கொடிகட்டி பறக்கும் நிறுவனம் டாடா குழுமம். இத்தனை பெரிய சாம்ராஜ்ஜியத்தை கட்டி நிர்வகித்து எளிமை விரும்பியாக பல இளைஞர்களை வியக்க வைப்பவர் ரத்தன் டாட்டா, இந்த 80 பிளஸ் இளைஞனின் வாழ்க்கையை திரைப்படமாக எடுத்துச் சென்று சேர்க்க பலரும் துடித்து வருகின்றனர். இந்த நிலையில் இந்த படத்தை யாரிடம் அளித்தால் வெகுஜனங்களுக்கும் சென்று சேறும் என்று யோசித்த நிலையில் , கேப்டன் கோபிநாத்தின் வாழ்க்கையை அண்மையில் சூரரைப்போற்று படமாக இயக்கி வெற்றி பெற்ற
இயக்குநர் சுதா கொங்கராவே பலரின் தேர்வாக உள்ளது. ரத்தன் டாடா குறித்து ஆய்வு நடத்தி வரும் சுதா படத்தின் பணிகளை அடுத்தாண்டு இறுதியில் துவங்கலாம் என தகவல் வெளியாகியுள்ளது. இந்த படத்தில் ரத்தன் டாடாவாக நடிக்க அமித்தாப்பச்சன் மற்றும் நடிகர் சூர்யாவிடம் பேச்சுவார்த்தை நடப்பதாக தகவல் கசிந்துள்ளது. தற்போது சூரரைப்போற்று படத்தை அக்சய் குமாரை இந்தியில் நாயகனாக வைத்து எடுத்து வரும் சுதா, அடுத்தாக இந்த படத்தை இயக்க இருப்பதாக கூறப்படுகிறது. தமிழில் வெளியான சூரரைப்போற்று படம் 5 பிரிவுகளில் தேசிய விருதுகளை அள்ளியது குறிப்பிடத்தக்கது.