வங்கதேசத்தால் திருப்பூருக்கு லக்..

வங்கதேசத்தில் ஆட்சியாளர்களுக்கு எதிராக கிளர்ச்சி எழுந்து, சில சிறுபான்மையினர் மீது தாக்குதல் நடைபெற்று வருகிறது. இந்த நிலையில் அங்கிருந்த பின்னலாடை தொழில் திருப்பூருக்கு திரும்பியுள்ளது. நாட்டின் மொத்த பின்னலாடை ஏற்றுமதியில் திருப்பூர் 55%பங்களிப்பை செய்து வருகிறது. அமெரிக்கா மற்றும் ஐரோப்பிய நாடுகளில் இருந்து ஆர்டர்கள் பெருமளவு தற்போது திருப்பூரில் குவிகின்றன. 40ஆயிரம் கோடி ரூபாய் அளவுக்கு பின்னலாடை ஏற்றுமதியை திருப்பூரால் கையாள இயலும். 2022-23 காலகட்டத்தில் 34,350 கோடி ரூபாய் வரை திருப்பூர் பின்னலாடை ஏற்றுமதி இருந்தது. 2023-24 காலகட்டத்தில் இது 30,690 கோடியாக சரிந்தது. ஏப்ரல்-ஆக்ஸ்ட் 2024 வரை மட்டும் 14,579 கோடிரூபாய் அளவுக்கு பின்னலாடையை திருப்பூர் ஏற்றுமதிசெய்திருக்கிறது. வால்மார்ட், GAP, மார்க்ஸ் அன்ட் ஸ்பென்சர்ஸ் உள்ளிட்ட நிறுவனங்கள்அதிகளவில் திருப்பூருக்கு ஆர்டர்களை அளிக்கின்றன. கடந்தாண்டைவிட இந்தாண்டு அக்டோபரில் ரெடிமேட் ஆடைகள் உற்பத்தி 35%அதிகரித்துள்ளது. ஆடை ஏற்றுமதிக்கு வங்கதேசம், கம்போடியா, வியாட்நாம் உள்ளிட்ட நாடுகள் தனியாக ஊக்கம் தருவதைப் போல உள்கட்டமைப்பை திருப்பூருக்கும் அரசு செய்துதர வேண்டும் என்று கோரிக்கைகள் வலுத்துள்ளன.