துபாய் போய் ஐபோன் வாங்குவது லாபமா?

இந்தியாவில் ஐபோன் 16 புரோ மேக்ஸ் வந்துவிட்டது. இந்தியாவில் 256 ஜிபி வசதி கொண்ட ஐபோன் 16 புரோ மேக்ஸ் மாடலின் விலை 1.45லட்சம் ரூபாயாக உள்ளது. குறிப்பிட்ட சில நிறுவன கிரிடிட் கார்டுகள் மூலம் 5ஆயிரம் ரூபாய் தள்ளுபடியும் அளிக்கப்படுகிறது. இதனால் இந்தியாவில் இதன் விலை ரூ.1.40லட்சமாக உள்ளது. இதே ஐபோன், துபாயில் 1,16,550 ரூபாயாக விற்கப்படுகிறது. 14 நாட்கள் துபாய்க்கு சுற்றுலா செல்ல விசா செலவு 7,000 ரூபாயாக உள்ளது. டெல்லியில் இருந்து துபாய்க்கு சென்று திரும்ப 20ஆயிரம் ரூபாய் விமான கட்டணம் எல்லாம் சேர்த்தால் 1.43லட்சம் ரூபாய் ஆகிறது. துபாய்க்கு போய் ஐபோன் வாங்கிவருவதை விட இந்தியாவிலேயே மலிவாக கிடைக்கிறது. அப்படி என்னதான் இருக்கு ஐபோன்ல என்று கேட்போருக்கு, இதுவரை உலகிலேயே அதிக திறன் கொண்ட ஏ18 புரோ சிப், ஆப்பிள் இண்டலிஜன்ஸ் ஏ.ஐ நுட்பங்கள் இதன் சிறப்பம்சங்களாகும். கேமரா கன்ட்ரோல் பட்டன்தான் இதன் சிறப்பம்சங்களில் முக்கியமானது. 6.9 அங்குள டிஸ்பிளே, இதுவரை வெளியானதிலேயே பெரிய திரை கொண்ட ஐபோன் என்ற பெருமையையும் இந்த ஃபோன் பெறுகிறது. 4கே120 டால்பி விஷன் என்ற உயர் ரக தொழில்நுட்பத்தில் வீடியோக்களை எடுக்க முடியும்.