டிசம்பர் 1 முதல் பைக்கின் விலை உயர்கிறது!!!!

இந்திய நடுத்தர குடும்பங்களில் உள்ள பைக்குகளில் நிச்சயம் இடம்பிடித்திருக்கும் பைக் என்றால் அது ஹீரோ நிறுவனத்தின் பைக் அந்த நிறுவனம் வரும் டிசம்பர் 1-ம் தேதியில் இருந்து தனது இருசக்கர வாகனத்தின் விலையை உயர்த்த இருக்கின்றன.
தற்போதுள்ள விலையைவிட ஆயிரத்து 500 ரூபாய் கூடுதலாக விலை இருக்கும் என்று எதிர்பார்க்கப்படுகிறது. விலைவாசி உயர்வு காரணமாக பைக்கின் விலை உயர்த்துவது தவிர்க்க முடியாததாக உள்ளதாக அந்த நிறுவனம் தெரிவித்துள்ளது. பொருளாதார மந்த நிலை காரணமாக பல நாடுகளிலும் இருசக்கர வாகன உற்பத்தி மற்றும் விற்பனை கடுமையாக பாதிக்கப்பட்டுள்ள நிலையில் இந்தியாவிலும் இதே நிலை தொடர்கிறது. வரும் காலாண்டுகளில் இந்தியாவில் இருசக்கர வாகனங்களின் விற்பனை அதிகரிக்கும் என்று ஹீரோ மோட்டார் கார்ப் நிறுவனம் எதிர்பார்க்கிறது. நடுத்தர மக்கள் வாங்கும் இருசக்கர வாகனங்களின் விலை தொடர்ந்து உயர்ந்துகொண்டே வருவதால் பைக் வாங்கம் ஆசையையே பலர் விட்டுள்ளனர்.
ஏற்கனவே உள்ள பைக்குகளை செகண்ட் ஹாண்டாக வாங்கவே பலரும் விருப்பம் தெரிவித்து வருகின்றனர்.